नवी दिल्ली – सध्या संपूर्ण जगाचे अफगाणिस्तानमधील तालिबानी कारवायांकडे लक्ष वेधले आहे. तालिबानी दहशतवाद्यांनी अफगाणिस्तानचा ताबा घेतल्यानंतर तेथे अराजकता माजली असून जगभरात खळबळ उडाली आहे. विशेषतः तालिबानी राजवट आल्यानंतर आता येथे राहणे मुश्किल होऊन आपला जीव गमावून शकतो, या भीतीने देशभरातील तसेच येथील परदेशी नागरिक जिवाच्या आकांताने भयभीत होऊन देश सोडण्यासाठी सैरावैरा धावत सुटलेले दिसून येत आहेत. परंतु कोणत्याही परिस्थितीत अफगाणिस्थान मधील सध्याची वस्तुस्थिति जगासमोर मांडण्यासाठी जीवाची पर्वा न करता जगभरातील काही मोजके पत्रकार अद्यापही काबुलसह अफगाणिस्तान मधील काही शहरांमध्ये ठाण मांडून आहेत. मात्र त्यांनाही तालिबानी लोकांकडून धमकावले जात आहे. याचा अनुभव एका महिला पत्रकाराला आला आहे.
अफगाणिस्तानमध्ये तालिबानच्या राजवटीत महिलांच्या स्थितीबद्दल वाटणाऱ्या सर्व भीती योग्य असल्याचे सिद्ध झाले आहे. यापूर्वी बुरखा न घालता काबूल विमानतळावर आलेल्या महिलेवर गोळ्या झाडल्याच्या बातम्या आपण आल्या होत्या. त्यानंतर संध्याकाळी उशिरा, सीएनएनच्या महिला रिपोर्टर क्लेरिसा वार्डचे एक चित्र व हिडीओ व्हायरल झाल्यामुळे परिस्थितीचे गांभीर्य दिसून आहे. सदर चित्र पाहताना तालिबानी राजवट आल्यानंतर येथील परिस्थिती कशी बदलली हे माहित आहे.
त्याच व्हिडीओत एक तालिबान सैनिक क्लारिसा वार्डला सांगत आहे की, तू एक स्त्री आहेस, बाजूला उभी राहा. वास्तविक क्लेरिसा ही ‘सीएनएन ‘ ची मुख्य आंतरराष्ट्रीय बातमीदार आहे. क्लेरिसा वार्डचा एक फोटो तालिबान राजवट अंमलात येण्यापूर्वी २४ तास आधीचा आहे. या चित्रात क्लारिसा सामान्य कपड्यांमध्ये दिसत आहे. त्याच्या डोक्यावर स्कार्फही नाही. पण दुसऱ्या चित्रात ती बुरखा परिधान केल्या नंतर तक्रार करताना दिसत आहे. त्यात फक्त त्याचा चेहरा दिसतो. ही दोन्ही छायाचित्रे ट्विटरवर व्हायरल होत आहेत.
ट्विटर वापरकर्त्यांना दोन्ही चित्रांची तुलना करून अफगाणिस्तानातील महिलांच्या स्थितीची कल्पना येत आहे. तालिबानी राजवट लागू झाल्यानंतर क्लारिसा वार्ड अफगाणिस्तानमधील परिस्थितीचा आढावा घेण्यासाठी बाहेर पडली होती. या दरम्यान, धूम्रपान करण्यावर बंदी घालण्याबाबत आणि दाढी अनिवार्य करण्याबाबत ती काही अफगाण सैनिकांना प्रश्न विचारत आहे. त्याचवेळी प्रत्युत्तरादाखल तालिबान म्हणते की, कोणत्याही गोष्टीची सक्ती आणि तत्काळ अंमलबजावणी केली जाणार नाही. मात्र तेवढ्यात एक तालिबानी सेनानी क्लॅरिसाला एक महिला असल्याने बाजूला उभे राहण्यास सांगतो आहे.
तालिबानचा दावा आहे की, त्यांची नवीन राजवटीत महिलांच्या अधिकारांचे संरक्षण करेल. पण वास्तव अगदी उलट आहे. तालिबानने काबूलमध्ये सत्ता मिळवताच शहराच्या भिंतींवर बुरखाधारी महिलांची चित्रे दिसू लागली असून बुरख्याची सक्ती करण्याचा हा जणू काही संदेश आहे. त्याच वेळी कुटुंबासह बाजारात आलेल्या एका महिलेला तालिबान सैनिकांनी फटकारले कारण तिचा पाय सँडलमधून दिसत होता. त्यामुळे यापुढे अफगाणिस्तानमध्ये प्रत्येक महिलेला डोक्यापासून तर पायापर्यंत आपले सर्व अंग बुरख्यामध्ये झाकून घ्यावे लागणार आहे, असे दिसून येते.
https://twitter.com/AskAnshul/status/1427274977334550530
