इंडिया दर्पण ऑनलाईन डेस्क –
मनोरंजन विश्वातील कलाकार बोहल्यावर चढण्याचे प्रमाण वाढते आहे. त्यातही कलाकार आपल्या सहकलाकारांसोबतच लग्नबंधनात अडकण्याच्या घटना वाढत आहेत. याच पंक्तीत आता अभिनेत्री अदिती राव हैदरी आणि दाक्षिणात्य अभिनेता सिद्धार्थ लग्न करणार असल्याची बातमी आहे. अदिती आणि सिद्धार्थ यांनी २०२१ मध्ये प्रदर्शित झालेल्या ‘महासमुद्रम’ या रोमँटिक ऍक्शन चित्रपटात एकत्र काम केलं होतं.
अभिनेत्री आदिती आणि सिद्धार्थ डेट करत असल्याच्या चर्चा काही महिन्यांपासून सुरू आहेत. काही दिवसांपूर्वी ते मुंबईत एकत्र दिसले होते. त्यानंतर सोमवारी या दोघांनी एका लोकप्रिय गाण्यावर नाचतानाचा एक रील पोस्ट केला. त्यामुळे आता दोघेही चांगलेच चर्चेत आहेत. या व्हिडीओत अदिती साध्या फ्लॉवर प्रिंटेड शरारा सूटमध्ये सुंदर दिसतेय. तर सिद्धार्थने कॅज्युअल ब्लॅक शर्ट आणि ब्लू जिन्स घातली आहे. या गाण्याच्या हूक स्टेप करत त्यांनी एकमेकांशी स्टेप्स मॅच केल्या. “डान्स मंकीज – द रील डील,” असं कॅप्शन त्यांनी या व्हिडीओला दिलं आहे.
अदिती आणि सिद्धार्थच्या डेटिंगच्या चर्चा वर्षभरापासून सुरू आहेत. त्यामुळे अदितीने हा व्हिडीओ टाकल्यावर हे दोघे रिलेशनशिपमध्ये असल्याच्या चर्चांना उधाण आलं आहे. सोफी चौधरी, दिया मिर्झा, पत्रलेखा यांनीही कमेंट्स केल्या आहेत. या रीलमधली दोन्ही माकडं आपली फेव्हरेट असल्याचं पत्रलेखा म्हणाली. त्यांचे चाहतेही या व्हिडीओवर हार्ट इमोजी टाकत आहेत. दोघांच्या लग्नाबद्दलही चाहत्यांनी कमेंट्स केल्या आहेत. ‘तुमच्या लग्नाची वाट पाहतोय, लवकर घोषणा करा,’ अशा कमेंट्सही त्या व्हिडीओवर आल्या आहेत. काही दिवसांपूर्वी आदिती राव हैदरी आणि सिद्धार्थ एकत्र लंचसाठी गेले होते. हैद्राबादमध्ये शर्वानंदच्या साखरपुड्यालाही ते एकत्र गेले होते.
