इंडिया दर्पण ऑनलाईन डेस्क – गौतम अदानी समूहाला गुजरातमधील मुंद्रा येथे नवीन प्लांट बांधायचा आहे. त्यासाठी समुहाने स्टेट बँक ऑफ इंडियाकडे कर्जासाठी अर्ज केला आहे. समुहाला 14 हजार कोटी रुपयांची गरज आहे. यासाठी समूहाने स्टेट बँक ऑफ इंडियाशी (SBI) संपर्क साधला आहे. अदानी समूहाच्या प्रकल्पाची एकूण किंमत सुमारे 19 हजार कोटी रुपये असू शकते.
सूत्रांनी सांगितले की, 15 वर्षांच्या कर्जाच्या फ्रेमवर्कला अंतिम स्वरूप दिले जात आहे. एसबीआय त्यांच्या खात्यांमध्ये सुमारे 5,000 कोटी रुपयांचे कर्ज ठेवणार असल्याचे सूत्रांनी स्पष्ट केले. तथापि, या मुद्द्यावर एसबीआय आणि अदानी समूहाच्या अदानी एंटरप्रायझेस यांनी कोणताही प्रतिसाद दिलेला नाही.
या वर्षी मार्चमध्ये, अदानी समूहाने नवी मुंबईतील ग्रीनफिल्ड आंतरराष्ट्रीय विमानतळ प्रकल्पासाठी एसबीआयकडून 12 हजार 770 कोटी रुपयांचे कर्ज देखील मिळवले होते. हे कर्ज नवी मुंबई इंटरनॅशनल एअरपोर्ट प्रायव्हेट लिमिटेड (NMIAL) या समूहाची आणखी एक उपकंपनी यांनी घेतले होते.
मिळालेल्या माहितीनुसार, अदानी समुहाकडून एक नवीन प्लांट तयार केला जात आहे. ज्यात कोळशापासून पॉलिव्हिनाईल क्लोराईड (पीव्हीसी) बनवण्यासाठी मुंद्रामध्ये एक नवीन सुविधा तयार केली जात आहे. मुंद्रा येथे पेट्रोकेमिकल क्लस्टर विकसित करण्याच्या अदानी समूहाच्या योजनेचाही हा प्रकल्प भाग असण्याची शक्यता आहे.
या प्रकल्पाची उत्पादन क्षमता 2 हजार किलो टन प्रतिवर्ष (KTPA) असेल आणि इमल्शन PVC, सस्पेंशन PVC आणि क्लोरीनेटेड PVC सारखी उत्पादने तयार करेल. कंपनीने 2021-22 च्या वार्षिक अहवालात मुंद्रा येथे एकूण 20 लाख मेट्रिक टन पीव्हीसीची क्षमता टप्प्याटप्प्याने विकसित केली जाईल असे सांगितले होते. 2 हजार ktpa प्रकल्प पहिल्या टप्प्यात पूर्ण होईल आणि 2024 पर्यंत कार्यान्वित होण्याची अपेक्षा आहे. दरम्यान, नुकतेच अदानी समूहाने मुंद्रा येथील ग्रीनफिल्ड कॉपर रिफायनरी प्रकल्पासाठी 6,071 कोटी रुपये उभे केले आहेत.
Adani Industry Group State Bank of India Loan Application
