इंडिया दर्पण ऑनलाईन डेस्क – शेअर बाजारांमध्ये नेहमीच चढ-उतार होत असल्याने सहाजिकच गुंतवणूकदारांना कधी प्रचंड नफा मिळतो तर कधी तोटा सहन करवा लागतो. गेल्या महिनाभरापासून शेअर बाजारात प्रचंड अस्थिरता आहे. एस्कॉर्ट्स, एल अँड टी, इन्फोसिस सारख्या दिग्गज कंपन्यांच्या समभागांनी या काळात त्यांच्या गुंतवणूकदारांचे भांडवल कमी केले आहे, तर अदानींच्या तीन कंपन्यांनी गुंतवणूकदारांना अक्षरशः श्रीमंत बनविले आहे. त्यात अदानी पॉवर, अदानी विल्मार, अदानी ग्रीन, स्वान एनर्जी आणि एमआरपीएल सारख्या स्टॉक्सचा समावेश आहे.
गेल्या एका महिन्यात, 47 ते 87.89 टक्क्यांपर्यंत परतावा देणाऱ्या टॉप 5 लार्ज कॅप आणि मिड कॅप कंपन्यांपैकी 3 कंपन्या या अदानी समूहाच्या आहेत. गेल्या महिन्याभरात अदानी पॉवरने परताव्याच्या बाबतीत जबरदस्त ताकद दाखवली आहे. अदानी पॉवरचे शेअर्स 125.10 ते 235.05 रुपये या कालावधीत 87.89 टक्क्यांनी वाढले आहेत. त्याच वेळी, अदानी विल्मार या यादीत दुसऱ्या क्रमांकावर आहे, ज्याने एका महिन्यात 379.80 रुपयांवरून 667.90 रुपयांपर्यंत झेप घेतली आहे. अदानी विल्मारने या कालावधीत 75.86 टक्के परतावा दिला आहे.
विशेष म्हणजे स्वान एनर्जी तिसऱ्या क्रमांकावर आहे. या समभागाने आपल्या गुंतवणूकदारांना एका महिन्यात दीड पटीने अधिक कमाई केली आहे. स्वान एनर्जीचा शेअर्स एका महिन्यात 68.17 टक्क्यांनी वाढून 179.85 रुपयांवरून 302.45 रुपयांवर पोहोचला आहे. म्हणजेच 179.85 रुपये प्रति शेअर नफा होतो आहे.
तर दुसरीकडे, MRPL चौथ्या क्रमांकावर आहे, ज्याने एका महिन्यात 64.81 टक्के परतावा दिला आहे. या कालावधीत स्टॉक 41.20 रुपयांवरून 67.90 रुपयांपर्यंत वाढला आहे. अदानी ग्रीन हा पुन्हा एकदा अदानी ग्रुपचा स्टॉक पाचव्या क्रमांकावर आहे. हा शेअर गेल्या एका महिन्यात 47.85 टक्क्यांनी 1901.20 रुपयांवरून 2810.85 रुपयांवर गेला आहे.
अदानी पॉवरचा शेअर 10 रुपये दर्शनी मूल्य असून या स्टॉकने गेल्या 3 वर्षांपासून जबरदस्त ताकद दाखवली आहे. तीन वर्षांत 334 टक्के परतावा दिला आहे. म्हणजेच 3 वर्षांपूर्वी जर एखाद्याने या स्टॉकमध्ये 1 लाख रुपये गुंतवले असते तर आज त्याचे 1 लाख 4.34 लाख झाले असते. त्याचप्रमाणे एखाद्याने वर्षभरापूर्वी अदानी पॉवरमध्ये एक लाख रुपये गुंतवले असतील तर त्याचे एक लाख 2.69 लाख झाले असते आणि ज्यांनी तीन महिन्यांपूर्वी त्यात गुंतवणूक केली त्यांचे पैसे दुप्पट झाले आहेत.
अदानी विल्मार दि. 8 फेब्रुवारी 2022 रोजी 227 रूपयांमध्ये सूचीबद्ध झाले. आज अवघ्या 73 दिवसांत हा शेअर 227 रुपयांवरून 667.90 रुपयांवर पोहोचला आहे. म्हणजेच या समभागाने आपल्या गुंतवणूकदारांचे पैसे जवळपास तिप्पट केले आहेत. अदानी विल्मारने एका महिन्यात 75.86 टक्के परतावा दिला आहे. त्याचा आतापर्यंतचा उच्चांक 709 रुपये आहे.
