मुंबई (इंडिया दर्पण वृत्तसेवा) – सिनेसृष्टीतील कलाकारांची चाहत्यांना भलतीच क्रेझ असते. त्यांना भेटण्यासाठी आणि त्यांची एखादी सही किंवा सेल्फीसाठी अनेकदा गर्दी करून विविध क्लृप्त्या हे चाहते लढवत असतात. हॉलीवूडमधल्या एका अभिनेत्रीने चाहत्यांसोबत सेल्फी काढण्यासाठी तसेच भेटण्यासाठी यापुढे पैसे आकारणार असल्याची घोषणा केली आहे. एमेलिया क्लार्क असे या अभिनेत्रीचे नाव असून चाहत्यांना या अभिनेत्रीसोबत सेल्फीसाठी १४ हजार तर संवाद साधण्यासाठी ३८ हजार रुपये मोजावे लागणार असल्याचे तिने जाहीर केले आहे.
‘गेम्स ऑफ थ्रोन्स’ या प्रसिद्ध मालिकेतून घरोघरी पोहोचलेल्या एमेलियाचा चाहता वर्ग मोठा आहे. या मालिकेत तिने साकारलेली डेनारियस तारगेरियन ही व्यक्तिरेखा तुफान गाजली होती. त्यामुळे जगभरात तिचे लाखो चाहते निर्माण झाले आहेत. हे चाहते एमेलीयाची एक झलक पाहण्यासाठी तासनतास तिच्या घरासमोर उभे असतात. मात्र यापुढे चाहत्यांना या अभिनेत्रीचा फोटो घ्यायचा असेल तर त्यासाठी पैसे मोजावे लागणार आहेत.
खरंतर एमिलिया मीट अँड ग्रीट या ट्रेंडमध्ये सहभागी झाली आहे. यामध्ये चाहत्यांना आवडत्या सेलिब्रिटीला भेटण्यासाठी पैसे खर्च करावे लागतात. एका वृत्तसंस्थेने दिलेल्या माहितीनुसार एमिलियाने या ट्रेंडच्या माध्यमातून आतापर्यंत ७२ कोटींपेक्षा अधिक पैसे कमावले आहेत. एमेलीया क्लार्कने २०२१ मध्ये ३७ कोटी रुपये तर २०२० मध्ये ३४ कोटी रुपये कमावले आहेत. हे पैसे ती स्वयंसेवी संस्थांना दान करते. त्यातही एमिलिया हिचा गुपचूप फोटो काढणे चाहत्यांना चांगलेच महागात पडू शकते.
एखाद्या चाहत्याने गुपचूप फोटो काढला आणि त्याची तक्रार तिने पोलिसात केली तर त्या चाहत्याला तुरुंगाची वारी करावी लागू शकते. त्यामुळे चाहत्यांनी एमिलियाला भेटण्यासाठी थोडा संयम राखावा असं आवाहन केलं जात आहे. पण चाहते पैसे खर्च करून सुद्धा एमिलियाला भेटत आहेत. तेव्हा एमिलिया ही भलतीच लोकप्रिय असल्याचे तिच्या एकंदर ट्रेंड मधून मिळालेल्या रकमेवरून दिसून येते.
Actress Will Charge Money to Fans for Selfie
Emilia Clarke Hollywood Game of Thrones Fame
