मुंबई (इंडिया दर्पण वृतसेवा) – बॉलिवूडमध्ये आजचा दिवस तुमचा असेल! तर उद्या तुमचा नसेल? असे म्हटले जाते. त्यामुळे या क्षेत्रात नेहमीच चर्चेत किंवा ग्लॅमर मध्ये राहण्यासाठी काहीतरी करावे लागते, किंवा तुमचे नेटवर्किंग जबरदस्त असावी लागते. परंतु नेटवर्किंग चांगले नसल्यास किंवा संपर्क यंत्रणा कमी पडल्यास तुम्ही या क्षेत्रातून बाहेर फेकले जातात. असा अनुभव एका अभिनेत्रीला आला आहे, ही अभिनेत्री म्हणजेच प्रसिद्ध अभिनेत्री आणि सौंदर्यतारका सुष्मिता सेन होय.
सुष्मिता सेनने एका मुलाखतीत खुलासा केला आहे की, ती सुमारे 10 वर्षे फिल्म इंडस्ट्रीपासून का दूर राहिली. तिला पुन्हा काम करण्यासाठी खूप मेहनत करावी लागली. तिने पाहिल्या चित्रपटापासून खूप लांब पल्ला गाठला आहे. बॉलीवूड अभिनेत्री बनण्याआधी तिने आधी सौंदर्य पुरस्कार जिंकले. ती केवळ चित्रपटांमध्येच नाही तर मॉडेलिंगच्या जगातही यशस्वी आहे.
आता सुष्मिता सेनने पुन्हा एकदा वेब सीरिजच्या माध्यमातून पुनरागमन केले आहे. तिने पुन्हा अभिनयाला सुरुवात केली आहे. बॉलिवूडमधून मला चांगल्या अशा भूमिका मिळत नसल्याचे सुश्मिता सेनने म्हटले आहे, ज्या तिला करायच्या होत्या. त्यामुळेच तिने वेब सीरिजमध्ये काम ती स्वीकारू लागली. सुष्मिता सेनचा शेवटचा चित्रपट 2010 मध्ये आला होता. तो एक कॉमेडी चित्रपट होता. चित्रपटाचे नाव होते दुल्हा मिल गया. त्यात फरदीन खान आणि शाहरुख खान यांची महत्त्वाची भूमिका होती.
त्यानंतर तिने 2020 मध्ये वेब सीरिज करण्यास सुरुवात केली आहे. त्यापैकी एक मालिका आर्या होय. यापूर्वी ती तिच्या दोन मुलींची काळजी घेत होती. एका फेसबुक पेजवर दिलेल्या मुलाखतीत सुष्मिता सेन म्हणाली, ’10 वर्षे मी या गोष्टींची काळजी घेत होते. मला काय करावे आणि काय करू नये ! मात्र मला ज्या प्रकारचे चित्रपट करायचे होते ते मिळत नव्हते. एक एकाच प्रकारच्या भूमिका मला देत होते, त्यामुळे मी 10 वर्षे काम करू शकलो नाही.
तसेच सुष्मिता सेनने असेही सांगितले की, ती नेटवर्कमध्ये अयशस्वी झाली आहे. यामुळे तिला कमी काम मिळाले आहे. ती म्हणते, ‘मी नेटवर्क करण्यात यशस्वी नाही, ते लोक माझ्यासाठी काम करत नाही.’ मात्र आता आर्यचे 2 सीझन असून तिसरा सीझनचे शूटिंग चालू आहे.
