मुंबई – प्रसिद्ध अभिनेत्री सनी लिओन आपल्या आगळ्यावेगळ्या ड्रेस मुळे नेहमी चर्चेत असते. तसेच अनेक वेळा ती, वादात सापडली आहे. आता देखील तिच्या एका गाण्यावरून असाच वाद निर्माण झाला आहे. सनी लिओन तिच्या ‘मधुबन में राधिका नाचे’ या नवीन गाण्यासाठी चर्चेत आहे. या गाण्यावर अनेकांच्या संमिश्र प्रतिक्रिया येत आहेत. खासकरुन साधूंनी या गाण्याला तीव्र आक्षेप घेतला आहे. यात सनीने अश्लिल नाच केल्यामुळे या गाण्यावर बंदी घालण्याची मागणी त्यांनी केली आहे.
नवीन व्हिडिओ अल्बम
या गाण्याला बहुतांश जणांचा विरोध आहे. अर्थात या गाण्यात सनीने अनेक डान्स मूव्ह दाखवल्या आहेत, पण मथुरेत मात्र त्याला विशेष विरोध होत आहे. उत्तर प्रदेशातील मथुरा येथे साधू महंतानी सनी लिओनीच्या या नवीन व्हिडिओ अल्बमवर बंदी घालण्याची मागणी केली आहे.
मधुबन वादात
या गाण्यावर सनीने अश्लील डान्स केल्याचे साधुंचे म्हणणे आहे. अशावेळी त्याच्यावर बंदी घालायला हवी. त्यांनी या नृत्याला अश्लील संबोधून हिंदूंच्या धार्मिक भावना दुखावल्याचा आरोप केला आहे. “जर सरकारने या अभिनेत्रीवर कारवाई केली नाही आणि तिच्या व्हिडिओ अल्बमवर बंदी घातली नाही तर आम्ही न्यायालयात जाऊ,” असा इशारा साधू, महंतांनी दिला आहे.
‘गाण्याच्या बोलाबाबत नाराजी
सनी लिओनीचे हे गाणे दि. २२ डिसेंबरला रिलीज झाले आहे. त्यानंतर हे गाणे मोठ्या प्रमाणात व्हायरल झाले, मात्र अनेकांनी तिला यावर ट्रोल करण्यास सुरुवात केली. ‘मधुबन में राधिका नाचे रे’ या गाण्याच्या बोलाबाबत काही जणांचे म्हणणे आहे की, यात सनी ज्या पद्धतीने नाचत आहे आणि या गाण्याच्या बोलानुसार ती अत्यंत आक्षेपार्ह आहे, त्यामुळे राधा आमच्यासाठी पूजनीय आहे. यामुळे हिंदूंच्या धार्मिक भावना दुखावल्या गेल्या आहेत. तेव्हापासून या गाण्यावर बहिष्कार घालत आहेत.
बघा, मधुबन या गाण्याचा व्हिडिओ
डान्स ट्रॅक गाणे
या गाण्याचे नृत्यदिग्दर्शन हिंदी चित्रपटसृष्टीतील प्रसिद्ध कोरिओग्राफर गणेश आचार्य यांनी केले आहे. सध्या, निर्मात्यांना अशी अपेक्षा होती की या वर्षाच्या शेवटी हे गाणे धमाल करेल, तसेच 2022 ची सुरुवात या गाण्याच्या धुमाकुळाने होईल. मात्र, आता हे गाणे वादात सापडले आहे.
रिमिक्स गाणे
हे गाणे मोहम्मद रफी यांच्या 1960 मध्ये आलेल्या ‘कोहिनूर’ चित्रपटातील ‘मधुबन में राधिका नाचे’ या गाण्यावर आधारित आहे. सध्या जुने गाणे रिमिक्स करण्यात आले आहे, ते सनी लिओनीवर चित्रित करण्यात आले आहे.
