इंडिया दर्पण ऑनलाईन डेस्क – बॉलिवूड अभिनेत्री सोनाक्षी सिन्हा आणि झहीर इक्बाल यांच्या डेटिंगच्या चर्चा अनेक दिवसांपासून सुरू आहेत. काही काळापूर्वी सोनाक्षी लवकरच वधू होणार असल्याच्या बातम्या आल्या होत्या. नुकतेच सोनाक्षी आणि झहीर इक्बाल मुंबईतील एका रेस्टॉरंटमध्ये डिनर डेटवर दिसले होते. ‘खानदानी शफाखाना’ चित्रपटात सोनाक्षीसोबत काम केलेला अभिनेता वरुण शर्मा याने सोनाक्षी आणि झहीरच्या डिनर डेटचा फोटो सोशल मीडियावर शेअर केला आहे. फोटो शेअर करताना वरुण शर्माने लिहिले – ओये होये, याला ब्लॉकबस्टर कपल म्हणतात.
याआधी झहीरने सोनाक्षीच्या वाढदिवसानिमित्त एक व्हिडिओ शेअर केला होता, ज्यात स्वतःच्या आणि अभिनेत्री सोनाक्षी सिन्हा यांच्या नात्यावर शिक्कामोर्तब केले होते. व्हिडिओच्या कॅप्शनमध्ये लिहिले आहे की, हॅपी बर्थडे सोनज, मला न मारल्याबद्दल धन्यवाद, मी तुझ्यावर प्रेम करतो. अधिक अन्न, फ्लाइट, प्रेम आणि पुढे हसण्यासाठी. झहीरच्या या पोस्टला उत्तर देताना सोनाक्षीने लिहिले होते की, आय लव्ह यू आणि आता मी तुला मारायला येत आहे.
अभिनेता झहीर इक्बालने २०१९ मध्ये नोटबुक चित्रपटाद्वारे बॉलिवूडमध्ये पदार्पण केले होते. या चित्रपटात झहीरसोबत प्रनूतन बहल दिसली होती. हा चित्रपट सलमान खानच्या प्रोडक्शनमध्ये बनला होता. झहीरचे वडील इक्बाल रतनसी हे सलमान खानचे मित्र आहेत. झहीर नेहमी त्याच्या वडिलांसोबत सलमान खानच्या सेटवर जायचा. तिथूनच त्याला अभिनयाची आवड निर्माण झाली.
Actress Sonakshi Sinha Romantic Photo Leak
Date With Actor Zahir Iqbal Entertainment Bollywood
