शिल्पा शेट्टीची प्रचंड प्रॉपर्टी : दुबई व लंडनमधील बंगल्यांसह कोट्यवधींच्या मालमत्तेची मालकीण…

मुंबई (इंडिया दर्पण वृतसेवा) – बॉलीवूड मधील अनेक अभिनेत्रींनी आपल्या करिअरची सुरुवात केल्यानंतर कालांतराने त्या टॉप वर किंवा प्रसिद्धीच्या शिखरावर पोहोचलेल्या दिसतात, त्या पैकीच एक म्हणजे प्रसिद्ध अभिनेत्री शिल्पा शेट्टी होय. बॉलिवूडची अतिशय सुंदर अभिनेत्री अशी तिची ओळख आहे. तिचा जन्म 9 जून 1975 रोजी झाला. तिने 1993 मध्ये बाजीगर या चित्रपटाद्वारे बॉलिवूडमध्ये पदार्पण केले. 1994 मध्ये त्यांनी अक्षय कुमारसोबत ‘मैं खिलाडी तू अनारी’ या सुपरहिट चित्रपटात काम केले होते.

अभिनयासोबतच तिने तिच्या फिटनेस, आरोग्य आणि योगासाठी जगभरात आपला ठसा उमटवला आहे. शिल्पा शेट्टी 47 वर्षांची झाली असली तरी ती आजही अनेक सौंदर्यवतींना मात देत आहे. शिल्पा शेट्टी अशा अभिनेत्रींपैकी एक आहे जी अतिशय विलासी जीवन जगते. तिने प्रसिद्ध उद्योगपती राज कुंद्रासोबत लग्न केले आणि त्यानंतर ती मोठ्या पडद्यावर क्वचितच दिसली.

शिल्पा शेट्टी ही बॉलिवूडमधील अशा सौंदर्यवतींपैकी एक असून जिच्याकडे अब्जावधी रुपयांची संपत्ती आहे. लग्नानंतर शिल्पा तिच्या विविध व्यवसायात व्यस्त झाली. शिल्पा शेट्टी रेस्टॉरंट, बार आणि स्पा व्यवसाय करते. शिल्पाने गेल्या वर्षीच मुंबईतील वरळी भागात बेस्टियन चेन नावाचे नवीन रेस्टॉरंट सुरू केले आहे. याशिवाय शिल्पा दीर्घकाळापासून आयपीएल संघ राजस्थान रॉयल्सची मालकीण आहे.

शिल्पा शेट्टीचे दुबईतील बुर्ज खलिफा येथे एक अपार्टमेंट आहे. तिचे पती राज कुंद्राने तिला 2010 मध्ये लग्नाच्या वाढदिवसानिमित्त बुर्ज खलिफा येथे एक फ्लॅट भेट दिला होता. ज्याची किंमत कोटींमध्ये होती. 2015 मध्ये हा फ्लॅट विकल्याची बातमी समोर आली होती.

एका रिपोर्टनुसार, शिल्पा शेट्टी जवळपास 134 कोटींच्या मालमत्तेची मालक आहे. तिची एंगेज झाल्यावर राज कुंद्राने तिला खूप महागडी अंगठी दिली होती. त्यावेळी त्या अंगठीची किंमत सुमारे 3 कोटी रुपये होती. ही अंगठी अजूनही शिल्पाकडे आहे. ही 20 कॅरेटची पांढरी डायमंड रिंग आहे.

याशिवाय शिल्पा अनेकदा लंडनला जाते. राज कुंद्राने शिल्पाला लंडनमध्ये घरही विकत घेतले आहे. त्याची किंमत सात कोटी रुपये आहे. इंग्लंडमधील सरे येथील वेब्रिज येथे राज महल नावाची त्यांची सात बेडरूमची मालमत्ता आहे. याशिवाय पाम जुमेराह येथे एक बंगला आहे, ज्याला दुबईतील सर्वात पॉश क्षेत्र म्हटले जाते.

शिल्पा शेट्टीकडेही खासगी जेट आहे. ती नेहमीच तिच्या जेटमधून फोटो शेअर करत असते. यासोबतच शिल्पा अनेक महागड्या वाहनांची मालकीण आहे. त्याच्याकडे BMW i8 आहे ज्याची किंमत 2.25 कोटी रुपये आहे. गेल्या वर्षी त्याने मर्सिडीज-बेंझ व्ही-क्लास खरेदी केली. यासोबतच राजने आपल्या वाईफ कम प्रेयसीला एक रेंज रोव्हरही भेट दिली, ज्याची किंमत 2 कोटी रुपये आहे.