चेन्नई सुपर किंग्जचा (सीएसके) स्टार क्रिकेटपटू ऋतूराज गायकवाड आणि अभिनेत्री सायली संजीव यांच्यात रिलेशनशीप सुरू असल्याच्या जोरदार अफवा आहेत. यासंदर्भात अखेर ऋतुराजने मौन सोडले आहे.
ऋतुराजने नुकतीच मराठीत पोस्ट केली होती. त्यात म्हटले होते की, फक्त गोलंदाजच, माझी विकेट घेऊ शकतात. आणि क्लीन बोल्ड पण. या पोस्टचा अर्थ वेगवेगळ्या पद्धतीने घेण्यात आला. तर, यापूर्वी सायलीने तिची काही छायाचित्रे इन्स्टाग्रामवर शेअर केली होती. या फोटोंवर ऋतुराजने प्रतिक्रिया व्यक्त केली. ‘वाह’ या प्रतिक्रीयेला प्रतिसाद देत ‘हृदय’ (दिल) या इमोजी टाकली. नेटिझन्सने याची दखल घेत सगळीकडे जोरदार चर्चा सुरू झाली. त्यावरच एकाने प्रतिक्रिया व्यक्त केली की ‘इस लडकीने ऋतूराज को किया क्लीन बोल्ड’. त्यावर ऋतूराजने खोचक प्रत्युत्तर देत लिहिले की, फक्त गोलंदाजच त्याची विकेट घेऊ शकतात, इतर कुणीही नाही.
सायली संजीव ही मराठी चित्रपट सृष्टीतील लोकप्रिय अभिनेत्री आहे. अनेक टीव्ही सिरिअलमध्येही ती चमकली आहे. सायलीचा जन्म धुळे जिल्ह्यात झाला असून तिचे महाविद्यालयीन शिक्षण नाशिक येथे झाले आहे. २०१६ मध्ये तिला झी मराठीचा सर्वोत्कृष्ट अभिनेत्रीचा पुरस्कारही मिळाला आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
