इंडिया दर्पण ऑनलाईन डेस्क – गरोदरपण हा कोणत्याही बाईच्या आयुष्यातील अत्यंत आनंदाचा काळ असतो. मग ती बाई सेलिब्रिटी असो की साधं सामान्य जीवन जगणारी. हा काळ दोघांनाही वेगळाच आनंद देऊन जातो. हाच आनंद सध्या अभिनेत्री इलियाना डिक्रुझ साजरा करते आहे.
दाक्षिणात्य चित्रपटसृष्टीतून बॉलीवुडमध्ये आलेल्या इलियानाने आपल्या अभिनयाने स्वतःचे वेगळे स्थान निर्माण केले आहे. इलियाना सध्या तिची प्रेग्नेंसी एंजॉय करते आहे. नुकतेच तिने खास प्रेग्नेंसी फोटोशूट केले असून ते फोटोज चाहत्यांसोबत शेअर केले आहेत. चाहत्यांनी देखील तिचे फोटो पाहून तिचे कौतुक केले आहे.
इलियाना डिक्रूझने तिचा मिरर सेल्फी चाहत्यांसोबत शेअर केला आहे. यात ती बेबी बम्प फ्लॉन्ट करताना दिसत आहे. इलियानाने तिच्या इन्स्टाग्राम अकाऊंटवरून हा सेल्फी शेअर केला आहे. बॉडीकॉन ड्रेसमधील इलियाना, तिचा सेल्फी आणि या फोटोची ‘माय लिटिल’ ही कॅप्शन हे सारेच चाहत्यांना भावले आहे. चाहत्यांनी तिच्या या फोटोवर भरपूर कमेंट्स केल्या आहेत. अनेकांनी तिचे अभिनंदन केले आहे.
एप्रिल महिन्यात सोशल मीडियावर फोटो पोस्ट करत इलियानाने आई होणार असल्याची माहिती दिली होती. लग्न न करताच गरोदर राहिलेली इलियाना त्यानंतर सोशल मीडियावर चर्चेत होती. इलियाना डिक्रूझने अलिकडेच तिच्या सोशल मीडिया अकाउंटवरून तिच्या बॉयफ्रेंडसोबतचे फोटो शेअर केले होते.
