विशेष प्रतिनिधी, मुंबई
:कोणत्याही मंदिरात देवाच्या दर्शनाला जाताना भाविक मंदिराबाहेरच चपला- बूट काढतो, हा एक धार्मिक रिवाजात असून मंदिराचे पावित्र्य राखावे म्हणून जणू काही अलिखित नियम आहे. परंतु या नियमाचे पालन न करता केरळमधील एक अभिनेत्रीने पायात चप्पल घालून चक्क मंदिरात प्रवेश केल्याने एकच खळबळ उडाली आहे. तसेच या घटनेचा व्हिडिओ सोशल मीडियावर व्हायरल झाल्यानंतर नागरिकांनी संताप व्यक्त केला असून याप्रकरणी सदर अभिनेत्रीला अटक करण्यात आली आहे.
पोलिसांनी याबाबत अधिक माहिती देताना सांगितले की, मल्याळम टीव्ही सीरियल अभिनेत्री निमिशा आणि तिचा एक मित्र काल शनिवारी हे चप्पल घालून केरळमध्ये पारंपारिक बोटीवर असलेल्या एका मंदिरात चढल्यानंतर तिच्या मित्राने तिला फोटो काढण्यात मदत केली होती, तसेच सदर फोटो सोशल मीडियावर देखील टाकले होते, परंतु ही घटना समजल्यानंतर पुजारी आणि नागरिकांमध्ये संताप व्यक्त करण्यात आला त्यानंतर सोशल मीडिया प्लॅटफॉर्मद्वारे त्या अभिनेत्रीला अज्ञात व्यक्तींकडून गैरवर्तन आणि धमकीची तक्रार आली होती.
त्यानंतर अभिनेत्रीवर एका गुन्हा दाखल केला तिला मित्रासह पोलीस ठाण्यात बोलावून अटक केली. त्यानंतर जबानी नोंदवल्यानंतर त्यांची पोलीस ठाण्यात जामिनावर सुटका करण्यात आली. दरम्यान, या प्रकरणी गदारोळ झाल्यानंतर अभिनेत्रीकडून स्पष्टीकरणही देण्यात आले. ती म्हणाली , मला जेव्हा कळले की माझ्याकडून नकळत प्रथा आणि परंपरेच्या विरोधात आहे, मी त्याच वेळी सोशल मीडियावर शेअर केलेल्या कार्यक्रमाशी संबंधित चित्रे लगेच काढून टाकली. पण तेव्हापासून मला अज्ञात लोकांकडून धमक्या येत आहेत.
