आज आहे अभिनेत्री आलिया भट्टचा वाढदिवस; एका चित्रपटाचे एवढे घेते मानधन

मुंबई (इंडिया दर्पण वृत्तसेवा) – ज्येष्ठ चित्रपट दिग्दर्शक महेश भट यांची कन्या आणि सुप्रसिद्ध अभिनेत्री आलिया भट्ट हिचा आज वाढदिवस आहे. विविध कारणांमुळे ती सतत चर्चेत असते. शिवाय ती सोशल मिडियावरही अतिशय सक्रीय असते. काही वर्षांपूर्वी आलिया भट्ट वर मोठ्या प्रमाणात विनोद केले जायचे. मात्र, तिने तिच्या अभिनय कौशल्यातून अनेकांना उत्तर दिले आहे. राझी सारख्या चित्रपटातून तिने अतिशय दमदार अभिनयाचे प्रदर्शन केले. गंगुबाई काठियावाडी हा चित्रपट नुकताच रिलीज झाला आहे. त्यात आलियाची मुख्य भूमिका आहे. तिच्या वाढदिवसानिमित्त जाणून घेऊया तिच्याविषयी…

शिक्षण
आलिया भट्टने लहान वयातच चित्रपटांमध्ये पदार्पण केले. करण जोहरच्या ‘स्टुडंट ऑफ द इयर’ या चित्रपटातून तिने बॉलिवूडमध्ये पदार्पण केले. तिला लहानपणापासूनच अभिनेत्री व्हायचे होते. त्यामुळे अशा परिस्थितीत तिने बारावीनंतर पुढील शिक्षण घेतले नाही.
मानधन
दिग्दर्शक महेश भट्ट यांची आलिया भट्ट ही कन्या आहे. २०१२ मध्ये ‘स्टुडंट ऑफ द इयर’ या चित्रपटातून डेब्यू करणाऱ्या आलिया भट्टने प्रेक्षकांची मने जिंकली आहेत. ‘गंगुबाई काठीयावाडी’ या चित्रपटासाठी तिने तब्बल २० कोटी रुपये मानधन घेतले आहे.

https://twitter.com/aliaa08/status/1496832184904450049?s=20&t=GUFLryWTDIJgnjV_i0C5RA

रणबीर सोबत लवकरच लग्न
अभिनेता रणबीर कपूर आणि आलिया भट्ट यांच्या लग्नाची सध्या बॉलीवूडमध्ये जोरदार चर्चा आहे. रणबीर, नीतू सिंह आणि आलिया तिघेही काही महिन्यांपूर्वी राजस्थानातील रणथंबोरला पर्यटनासाठी गेले होते. त्यामुळे त्याची मोठी चर्चा होते. रणबीर आणि आलिया हे अनेक ठिकाणी सोबत फिरायला जात असतात. त्यामुळेच त्यांचे लग्न होणार असल्याचे बोलले जाते. त्यांच्या साखरपुड्याचीही मोठी चर्चा जानेवारीमध्ये रंगली होती. अद्याप दोघांनाही त्यास मुहुर्त लाभलेला नाही, असे बोलले जाते.