इंडिया दर्पण ऑनलाईन डेस्क – बॉलिवूडची सुंदर अभिनेत्री ऐश्वर्या राय बच्चन सध्या कान्स फिल्म फेस्टिव्हलमुळे चर्चेत आहे. कान्स सोहळ्यातून बाहेर पडलेले ऐश्वर्या राय बच्चनचे फोटो आणि व्हिडीओला चाहत्यांनी भरभरून प्रतिसाद दिला आणि पाहता पाहता हे फोटो व्हायरल झाले. ऐश्वर्या राय बच्चन अनेकदा तिचे कौटुंबिक फोटो इन्स्टाग्रामवर शेअर करत असते, ज्यांना सोशल मीडिया यूजर्सकडून चांगलेच पसंती मिळते. इन्स्टाग्रामवर ऐश्वर्याचे 10 मिलियनपेक्षा जास्त फॉलोअर्स आहेत, मात्र ती फक्त एकाच व्यक्तीला फॉलो करते.
ऐश्वर्या राय बच्चनचे इन्स्टाग्राम फोटोज अनेकदा व्हायरल होत असतात, ज्यावर चाहते खूप प्रेमाचा वर्षाव करतात. ऐश्वर्यासोबतच आराध्याच्या चाहत्यांचे फोटोही अनेकदा व्हायरल झाले आहेत. इंस्टाग्रामवर ऐश्वर्याचे 10.1 मिलियन फॉलोअर्स असून तिने आतापर्यंत 282 पोस्ट केले आहेत. ऐश्वर्या इंस्टाग्रामवर फक्त एकाच व्यक्तीला फॉलो करते, तो म्हणजे तिचा नवरा आणि अभिनेता अभिषेक बच्चन. ऐश्वर्याला फॉलो करणाऱ्यांमध्ये प्रियांका चोप्रा, दीपिका पदुकोण, तापसी पन्नू, रणवीर सिंग, करण जोहर, परिणीती चोप्रा, क्रिती सेनॉन, श्रद्धा कपूर, माधुरी दीक्षित, आलिया भट्ट आणि भूमी पेडणकर यांच्यासह अनेक सेलिब्रिटी आहेत.
2002 पासून कान्स फिल्म फेस्टिव्हलमध्ये आपली मोहिनी पसरवणाऱ्या ऐश्वर्याने यावेळीही गर्दी लुटली. ७५ व्या कान्स कार्यक्रमात ऐश्वर्या राय बच्चन अतिशय सुंदर दिसली. रंगीबेरंगी फ्लोरल आकृतिबंध असलेल्या काळ्या रंगाच्या गाऊनमध्ये ऐश्वर्या दिसली. नेहमीप्रमाणेच पुन्हा एकदा ऐश्वर्याने हसतमुखाने सर्वांची मनं जिंकली आहेत. ऐश्वर्याचे फोटो मोठ्या प्रमाणात व्हायरल झाले.
ऐश्वर्या कान फिल्म फेस्टिव्हलमधून परतली आहे. अलीकडेच व्हायरल भयानीने इंस्टाग्रामवर एक व्हिडिओ शेअर केला आहे ज्यामध्ये ऐश्वर्या राय नेहमीप्रमाणे आपली मुलगी आराध्याचा हात धरून चालताना दिसत आहे. ऐश्वर्या राय मध्ये क्षणभर थांबते आणि अभिषेक बच्चनशी काहीतरी बोलते. त्यानंतर ती तिचा मुखवटा काढून फोटोग्राफर्सना फोटो काढू देते. अभिषेकने ऐश्वर्या रायला गाडीपर्यंत सोडले आणि नंतर दुसऱ्या दारातून स्वतः कारमध्ये बसला. कान फिल्म फेस्टिव्हलमधून परतण्यापूर्वी ऐश्वर्या राय, अभिषेक बच्चन आणि आराध्या यांनी एक दिवस बाहेर घालवला होता. कामाच्या आघाडीवर, ऐश्वर्या राय लवकरच मणिरत्नमच्या पोन्नियिन सेल्वन या चित्रपटात दिसणार आहे.
