इंडिया दर्पण ऑनलाईन डेस्क – सध्या जिममध्ये वर्कआऊट करताना कलाकारांचे अपघाती मृत्यू झाल्याच्या घटना घडल्या आहेत. कलाकारांना आपला फिटनेस टिकवून ठेवावा लागतो. आपल्या दिसण्यासोबतच फिटनेसकडे कलाकारांना कायम लक्ष द्यावे लागते. त्यात पुरुष कलाकारांना आपली शरीरयष्टी पिळदार ठेवणे गरजेचे आहे. आज अनेक अभिनेते हे आपल्या उत्तम फिजिकमुळे ओळखले जातात. अनेक कलाकार जिममध्ये वर्कआऊट करतात. मात्र अभिनेता सिद्धांत वीर सूर्यवंशी याच्या अकाली निधनाने सर्वांनाच धक्का बसला आहे. सिद्धांत वीर सूर्यवंशीप्रमाणेच जिममध्ये वर्कआउट करताना अनेक तरुणांचं हृदयविकाराचा झटका आल्याने यापूर्वी निधन झालं आहे. त्यामुळे जिममध्ये वर्कआउट करताना कशाप्रकारची काळजी घ्यावी, यावर अभिनेता सुनील शेट्टी याने भाष्य केलं आहे.
अभिनेता सुनील शेट्टी यांचे आरोग्य सुरवातीपासून आपल्याला उत्तम दिसते. यामागे त्यांची आरोग्याची काळजी घेण्यासाठी मेहनत आहे. योग्य आहार आणि नियमित व्यायामावर त्याचा भर असतो. सध्या सुनील शेट्टी त्याच्या आगामी ‘धारावी बँक’ या सिरीजच्या प्रमोशनमध्ये व्यस्त आहे. यादरम्यान दिलेल्या एका मुलाखतीत त्याने वर्कआऊट, आहार आणि हृदयविकाराचा झटका यावर आपलं मत व्यक्त केलं आहे. वर्कआउट करताना आपल्या हृदयावर ताण येणार नाही म्हणून कोणती काळजी घ्यावी यासाठी त्याने काही टिप्स दिल्या आहेत.
यावेळी सुनील शेट्टी म्हणाला, “व्यायाम करण्याबरोबरच आपला आहारही योग्य असणार अत्यंत गरजेचं आहे. आज बहुतांश लोक जिममध्ये जाऊन वर्कआउट करतात. जिममध्ये जड वजनं उचलताना दोन्ही बाजूला समान वजन आहे ना हे आधी तपासून पहावं. जर दोन्ही बाजूला सारख्या किलोची वजनं नसतील तर ती आधी सारखी करून घ्यावीत. कोरोनाकाळात अनेकांना कोरोना होऊन गेला आहे. त्यामुळे कोविड काळानंतर आपलं शरीर रक्ताच्या गुठळ्या तयार करत नाही ना याची वेळच्यावेळी तपासणी करून घ्यावी. कोरोना काळानंतर शरीरात रक्ताच्या गुठळ्या निर्माण होण्याची समस्या वाढते आहे. ही समस्या आपल्या आरोग्याला धोकादायक ठरू शकते.
सुनील शेट्टी हा बॉलिवूडमधील अत्यंत फिट अभिनेत्यांच्या यादीतीला एक अभिनेता आहे. तेव्हा तरुणांनी जिममध्ये वर्कआऊट करताना शरीरावर जास्त भार न टाकता योग्य सल्ल्याने व्यायाम करणं आवश्यक आहे.
Actor Sunil Shetty on Gym Work Out Care
Entertainment Health Exercise Heart Attack
