मुंबई (इंडिया दर्पण वृतसेवा) – झी मराठी या दूरचित्रवाहिनीवरील तुझी माझी रेशीमगाठ या मालिकेत भूमिका साकारणारा अभिनेता श्रेयस तळपदे सध्या चर्चेत आहे. श्रेयसन त्याच्या इन्सटाग्राम अकाऊंटवर त्याच्या लेकीचा व्हिडिओ शेअर केला आहे. हा व्हिडिओ फादर्स डेचा आहे. पण, त्याची त्याची सोशल मिडियात खुपच चर्चा आहे.
फादर्स डेच्या दिवशी आपल्या बाबाचे लाड पुरविणाऱ्या श्रेयसच्या लेकीचा हा व्हिडीओ पाहून कोणालाही कौतुक वाटल्याशिवाय राहणार नाही. फादर्स डे निमित्त श्रेयस व त्याची लेक शॉपिंगला निघाले. बापलेक एका शूजच्या दुकानात पोहोचले. श्रेयसने स्वत:साठी वेगवेगळे शूज ट्राय केले आणि त्याच्या लेकीने काय तर बाबाला हे शूज ट्राय करण्यासाठी मदत केली. या व्हिडीओत, श्रेयसने एक शूज पायात घातला आहे आणि त्याची चिमुकली लेक खाली गुडघ्यावर बसून त्याच्या शूजची लेस बांधत आहे. तिला लेस बांधायला येत नाही हे माहित असूनही तो तिला ते करू देतोय.
‘चांगले आहेत का हे, की मोठे आहेत?’ असे श्रेयस तिला विचारतो. यावर, ‘बघते आता गाठ बांधून…,’असे ती म्हणते. ‘ती तुम्हाला राजाप्रमाणे वागवते. तिला माहित असतं तुम्हाला काय हवंय. सध्या मला तिचे चिमुकले हात पकडून फिरायचं आहे आणि ती मात्र त्याच हातांनी मला माझ्या शूजची लेस बांधायला शिकवतेय. तुझा डॅडा झालो, मी खूप भाग्यवान आहे…,’ असे हा क्यूट व्हिडीओ शेअर करताना श्रेयसने लिहिले आहे. श्रेयसच्या या व्हिडीओवर चाहत्यांनी भरभरून कमेंट्स केल्या आहेत. अनेक सेलिब्रिटींनीही या व्हिडीओचं कौतुक केलं आहे. किती गोड आहे, आवाज किती गोड आहे या पिल्लूचा अशा कमेंट्स चाहत्यांनी केल्या आहेत.
Actor Shreyas Talpade daughter video viral
