विशेष प्रतिनिधी, मुंबई
प्रसिद्ध चित्रपट अभिनेता शाहीद कपूर याची पत्नी मीरा राजपूत चित्रपटापासून दूर असली तरी ती नेहमीच चर्चेत असते. मीराची फॅन फॉलोइंग कोणत्याही चित्रपट अभिनेत्रीपेक्षा कमी नाहीय. सोशल मीडियावरही ती प्रसिद्ध आहे. परंतु सध्या तिच्याबाबत वेगळीच चर्चा आहे. तिने एक फोटो सोशल मीडियावर शेअर केला आहे. त्यामध्ये तिने केलेल्या ऑनलाइन शॉपिंगबाबत सांगितले आहे.
मीराने आपल्या मोबाईलसाठी ऑनलाइन कव्हर मागविले होते. परंतु या खेरदीत तिची फसवणूक झाली आहे. तिने फोन कव्हरचा फोटो शेअर केला आहे. ती सांगते, वर्कआउट करताना मदत होईल या अपेक्षेने तिने एक स्लिंग केस मागविली होती. एका मूर्ख जाहिरातीत मी फसले आणि फोन कव्हर खरेदी केले. ती वस्तू जाहिरातीत डिस्प्ले केल्याप्रमाणे अजिबातच नव्हती. एक तकलादू प्लॅस्टिक खरेदी केले. बॅग न घेऊन जाता मला कुठेही जाण्यासाठी एका स्लिंग कव्हरची गरज होती. माझी फसवणूक होऊन किती वर्ष लोटले असतील.
मीराने एक दुसरा फोटो शेअर करून उपहासात्मक प्रतिक्रिया दिली. ती म्हणाली, असे फोन खरेदी करणे खूपच असुरक्षित आहे. दोन्ही कोपर्यांवर लावलेल्या कुशनसारख्या वस्तूंपैकी एक गहाळ झाली आहे. हे उच्च गुणवत्तेचे स्टिकर्स माझ्या फोनला पडण्यापासून वाचवतील.
शाहीदसोबतचा फोटो शेअर
मीरा राजपूतने शाहीद कपूरसोबतचा एक फोटो नुकताच पोस्ट केला होता. त्याच्या कॅप्शनमध्ये ती लिहिते, शब्दांच्या पलीकडे मी तुझ्याशी प्रेम करते. आनंदी सहा वर्षे, माझे प्रेम, माझे आयुष्य. ७ जुलै २०१५ला मीरा आणि शाहीद यांचा विवाह झाला होता. दोघांनाही आता एक मुलगा आणि एक मुलगी आहे.
