विशेष प्रतिनिधी, मुंबई
कोरोना साथीच्या आजारांमुळे अद्यापही देशभरात अनेक उद्योग-व्यवसाय बंद असून याचा फटका मनोरंजन क्षेत्राला ही बसला आहे. त्यातच अनेक टीव्ही मालिकांचे चित्रीकरण आणि प्रक्षेपण बंद झाल्याने या क्षेत्रातील कलाकारांसह अन्य लोकांवर ही बेरोजगारीची पर्यायाने उपासमारीची वेळ आली आहे.
कोरोना संसर्गामुळे सर्वात जास्त नुकसान झालेला एक उद्योग म्हणजे मनोरंजन उद्योग होय. विशेषत: टीव्ही उद्योगावर सर्वाधिक परिणाम झाला आहे. सिरियलचे शूटिंग बंद झाल्यामुळे अनेक कलाकार रस्त्यावर आले असून अनेकांना जगण्यासाठी तडजोडीदेखील करावी लागत आहेत. अशीच व्यथा टीव्हीच्या मालिकेत ‘हनुमान’ ची भूमिका करणाऱ्या निर्भय वाधवा याची आहे. निर्भय हा अनेक पौराणिक मालिकांमध्ये हनुमानाची भूमिका साकारण्यासाठी ओळखला जातो.
महाराष्ट्रात दुसर्‍या टप्प्यात अनेक मालिकांचे शूटींगही बंद राहिले. काही रिअॅलिटी शो आणि सिरिअल शेजारच्या राज्यात शुटींगसाठी गेले. आपली व्यथा मांडताना निर्भयने सांगितले की, तो जवळपास दीड वर्षापासून घरात बसला असून त्यामध्ये त्याच्याकडील सर्व बचतीची रक्कम खर्च झाली. त्याला काहीही काम करत नव्हते. थेट काही कार्यक्रमही होत नव्हते. काही ठिकाणी पेमेंट येणे बाकी होते, तेही प्राप्त झाले नाही. तरीही निर्भयने धीर सोडला नाही, त्याने सुपर बाईक विक्री करण्याचे ठरविले.
निर्भयची बाईक त्याच्या मूळ गावी जयपूरमध्ये होती. त्यासाठी तो जयपूरला गेला, त्याने ही बाईक २२ लाख रुपयांना खरेदी केली आहे. त्यामुळे नवीन खरेदीदार शोधणे कठीण झाले. अखेरीस, एका बाईक कंपनीनेच ही बाईक साडेतीन लाखांना विकत घेतली. या बाईकशी निर्भयाच्या अनेक आठवणी जोडल्या गेल्या. निर्भय यापुर्वी ‘विन्नहर्ता गणेशा ‘ या मालीकेत हनुमानजीच्या भूमिकेत दिसला आहे.
