मुंबई (इंडिया दर्पण वृतसेवा) – बॉलिवूड चित्रपट सृष्टीत पदार्पण करताना बहुतांश कलाकारांना अनेक अडचणींचा सामना करावा लागतो. काही कलाकारांनी तर प्रचंड कष्ट केल्याशिवाय प्रसिद्धी मिळतच नाही. अभिनेता नवाजुद्दीन सिद्दीकीला बॉलीवूडमध्ये प्रसिद्धी मिळण्यापूर्वी अनेक छोट्या-छोट्या भूमिका कराव्या लागल्या. त्यासाठी त्याला कदाचित श्रेय देखील दिले गेले नाही. अशाच काही चित्रपटांपैकी एक म्हणजे ईश्वर निवास दिग्दर्शित ‘शूल’ होय. याच चित्रपटाची खास बाब आपण आज जाणून घेणार आहोत.
प्रसिद्ध निर्माता राम गोपाल वर्मा निर्मित शूल हा चित्रपट सन 1999 साली प्रदर्शित झाला होता. यात नवाजुद्दीन सिद्दीकीने एका वेटरची भूमिका केली होती. क्वचितच ती कोणाच्या लक्षात असेल. या चित्रपटात अभिनेत्री रवीना टंडन आणि अभिनेता मनोज बाजपेयी यांच्या प्रमुख भूमिका होत्या.
नवाजुद्दीन सिद्दीकीने अलीकडेच सांगितले की ‘शूल’ चित्रपटात वेटरची भूमिका साकारण्यासाठी त्याला 2500 रुपये देण्याचे वचन दिले होते. त्याला नंतर कधीही दिले गेले नाही. नवाजुद्दीन सिद्दीकीने सांगितले की, या पैशांसाठी प्रॉडक्शन ऑफिसमध्ये 6 ते 7 महिने सतत फेऱ्या मारूनही, जेव्हा त्याला त्याचे पैसे दिले गेले नाहीत, तेव्हा त्याने हे पैसे वसूल करण्याचा वेगळा मार्ग निवडला.
बॉलिवूड बबलला दिलेल्या मुलाखतीत नवाजुद्दीन सिद्दीकी म्हणाला, ‘मी अनेक चित्रपटांमध्ये छोट्या भूमिका केल्या. अशा अनेक भूमिकांबद्दल मी कोणाला सांगत नाही, पण मी त्यात आहे. आयुष्य चालवण्यासाठी मला पैशांची गरज होती. शूल या चित्रपटात मी एका वेटरची भूमिका केली होती जो रवीना टंडन आणि मनोज बाजपेयी यांच्याकडून ऑर्डर घेतो. या भूमिकेसाठी मला 2500 रुपये दिले जातील असे मला सांगण्यात आले, पण ते पैसे मला कधीच दिले गेले नाहीत.
दरम्यान, नवाजुद्दीन सिद्दीकी म्हणाला, अडीच हजार रुपयांसाठी मी अनेक महिने ऑफिसच्या फेऱ्या मारल्या, ते सापडले नाहीत, परंतु अन्न उपलब्ध होते. मी नंतर काय केले की, मी जेवणाच्या वेळेत त्याच्या ऑफिसमध्ये पोहोचायचो, माझी अवस्था पाहून ते मला जेवायला बोलायचा?, पैसे मिळणार नाहीत, पण येऊन जेवण करा मी म्हणालो, ठीक आहे चालेल. जाऊ या. त्यामुळे तब्बल दीड महिना मला जेवणाचे पैसे लागले नाही. चित्रपटाच्या मानधनाच्या रुपाने मला माझे दीड महिन्याचे जेवण मात्र मिळाले, असे त्याने स्पष्ट केले.
