मुंबई (इंडिया दर्पण वृत्तसेवा) – बॉलिवूड अभिनेता कार्तिक आर्यनची फॅन फॉलोइंग खूप मोठी आहे. आपल्या चाहत्यांची मनं कशी जिंकायची हे कार्तिकला चांगलंच माहीत आहे. नुकताच त्याचा ‘भूल भुलैया २’ या चित्रपटाचा ट्रेलर रिलीज झाला आहे. हे पाहिल्यानंतर त्याच्या चाहत्यांमध्ये आणखीच वाढ झाली आहे. या चाहत्यांमध्ये मुलींची संख्या जास्त आहे.
सध्या कार्तिकचा एक व्हिडिओ इंटरनेटवर प्रचंड व्हायरल होत आहे. ज्यामध्ये तो त्याच्या गोंडस बालकलाकारसोबत दिसत आहे. वास्तविक, कार्तिकने इंस्टाग्रामवर लुडो फेम बालकलाकार इनायत वर्मासोबत एक व्हिडिओ पोस्ट केला आहे. ज्यामध्ये इनायत कार्तिकच्या चित्रपटातील डायलॉगची नक्कल करताना दिसत आहे. तिच्या या व्हिडिओवर चाहत्यांनी भरभरून प्रेमाचा वर्षाव केला आहे. अनेक बॉलिवूड कलाकारांनीही या व्हिडिओला क्यूट म्हटले आहे. यासोबतच एका महिला फॅनने कार्तिकच्या या व्हिडिओवर कमेंट करत कार्तिक आर्यनला लग्नाचा प्रस्ताव दिला आहे. “माझ्याशी लग्न कर, मी २० कोटी रुपये देईन.” कार्तिकचीही नजर या कमेंटवर पडली आणि त्याने तिला “कधी”, असे उत्तर दिले आहे.
कार्तिकच्या या उत्तरानंतर चाहते वेगवेगळ्या प्रतिक्रिया देत आहेत. इतरही अनेक चाहत्यांनी कार्तिकला मॅरी मी असे लिहिले आहे. त्याचवेळी काही लोक लग्न कधी आहे असे विचारू लागले. कुणीतरी म्हटलं की ऑफर चांगली आहे, स्वीकार कर. कार्तिकचे चाहते त्याला भेटण्यासाठी जोरदार प्रयत्न करताना दिसत आहेत. विशेष म्हणजे तो त्याच्या चाहत्यांना निराश करत नाही. जानेवारीतही एक व्हिडिओ समोर आला होता. ज्यामध्ये कार्तिकच्या इमारतीबाहेर दोन मुली त्याच्या नावाने हाक मारताना दिसल्या. कार्तिकही त्यांना भेटण्यासाठी घराबाहेर पडला होता. कार्तिकच्या वर्कफ्रंटबद्दल बोलायचे झाले तर तो लवकरच शहजादा या चित्रपटात दिसणार आहे. अल्लू अर्जुनच्या आला वैकुंठपुरमुलू चित्रपटाचा हा हिंदी रिमेक असणार आहे. या चित्रपटात त्याच्यासोबत मनीषा कोईराला, परेश रावल, रोहित बोस रॉय, सचिन खेडकर आणि अंकुर राठी देखील आहेत. हा चित्रपट ४ नोव्हेंबरला चित्रपटगृहात प्रदर्शित होणार आहे.
