इंडिया दर्पण ऑनलाईन डेस्क – बॉलिवूडचा ‘खिलाडी कुमार’ अर्थात अक्षय कुमार सध्या त्याच्या आगामी ‘बडे मियाँ छोटे’ या चित्रपटाच्या सिक्वेलमुळे चर्चेत आहे. या चित्रपटात त्याच्यासोबत टायगर श्रॉफही मुख्य भूमिकेत दिसणार आहे. स्कॉटलंडमध्ये या चित्रपटाचे चित्रीकरण सुरू आहे. दरम्यान, मीडिया रिपोर्ट्सनुसार, या चित्रपटात टायगर श्रॉफसोबत अॅक्शन सीन शूट करताना अक्षय जखमी झाला आहे.
अक्षयला गंभीर दुखापत झालेली नाही, असे सांगण्यात येत आहे. अक्षय हा चित्रपटाच्या उर्वरित भागाचे शूटिंग सुरू ठेवणार असल्याचे सांगितले जात आहे. चित्रपटाचे अॅक्शन सीक्वेन्स सध्या थांबवण्यात आले असले तरी तो क्लोज-अप शॉट्ससह शूटिंग सुरू ठेवणार आहे. एका मीडिया आउटलेटमधील एका सूत्राने सांगितले की, अक्षय हा टायगरसोबत अॅक्शन सीनचे शूटिंग करत होता आणि एका विशिष्ट स्टंटचे शूटिंग करत असतानाच तो जखमी झाला.
अक्षयच्या गुडघ्यावर ब्रेसेस आहेत. स्कॉटलंड शेड्यूल पूर्ण होण्यास कोणताही विलंब होऊ नये म्हणून अक्षय चित्रपटाच्या उर्वरित क्लोज-अप सीन्सचे शूटिंग करत आहे. बडे मियाँ छोटे मियाँ या चित्रपटात अक्षय आणि टायगर यांच्यासोबत सोनाक्षी सिन्हा आणि पृथ्वीराज सुकुमारन यांच्याही भूमिका आहेत. स्कॉटलंडला रवाना होण्यापूर्वी चित्रपट मुंबईत त्याचे पहिले शेड्यूल पूर्ण करण्यात आले आहे. हा चित्रपट अली अब्बास जफर दिग्दर्शित करत आहे. टायगर जिंदा है, सुलतान, भारत, मेरे ब्रदर की दुल्हन आणि गुंडे आणि इतर अनेक चित्रपट दिग्दर्शित करण्यासाठी तो ओळखला जातो.
Actor Akshay Kumar Injured While Film Shooting
