इंडिया दर्पण ऑनलाईन डेस्क – आचार्य चाणक्य हे राजकारण आणि अर्थशास्त्राचे अभ्यासक मानले जात होते. ते खूप विद्वान होते, त्यामुळे त्यांनी मानवाला यशस्वी जीवन जगण्यासाठी नीतिशास्त्रातील विविध मार्ग सांगितले आहेत. आचार्य चाणक्य यांनी निती शास्त्रातील एका श्लोकाद्वारे सांगितले आहे की, जर एखाद्या व्यक्तीने चुकीच्या मार्गाने पैसा कमावला तर त्याच्यावर माता लक्ष्मीची कृपा फार काळ टिकत नाही.
‘अजस्त्योपार्जितम् द्रव्यं दश वर्षानि तिष्ठति’
आचार्य चाणक्याच्या या श्लोकाचा अर्थ असा आहे की, लक्ष्मी ही चंचल आहे. तसेच चोरी, जुगार, अन्याय आणि फसवणूक करून मिळवलेला पैसा कधीही स्थिर राहत नाही. असा पैसा तुमच्याकडे १० वर्षे राहतो, परंतु ११ व्या वर्षीच तो हळूहळू नष्ट होऊ लागतो. त्यामुळे अन्यायाने कधीही पैसा कमवू नये.
आचार्य चाणक्य यांनी या श्लोकाच्या माध्यमातून हे सांगण्याचा प्रयत्न केला आहे की, माणसाला पैशाची लालसा असलीच पाहिजे, पण ती योग्य मार्गाने मिळवणे अत्यंत आवश्यक आहे. कारण पापकर्म किंवा दुसऱ्याच्या दुःखाने किंवा त्रासाने कमावलेला पैसा कोणत्याही शापापेक्षा कमी नाही. जेव्हा तुम्हाला असे पैसे मिळतात, तेव्हा तुम्हाला जास्त आनंद होतो पण काही काळानंतर ते कोणत्या ना कोणत्या मार्गाने निघून जाते.
आचार्य चाणक्य स्पष्ट करतात की, असे कमावलेले पैसे दहा वर्षांपेक्षा जास्त काळ तुमच्यासोबत राहू शकत नाहीत. ११ व्या वर्षापासून, तो एक किंवा दुसऱ्या स्वरूपात तुम्हाला सोडतो. तसेच हे पैसे आरोग्य, अपघात किंवा इतर कोणत्याही कारणामुळे बाहेर येऊ शकतात. असा पैसा दुप्पट खर्च किंवा तोटा करून जातो. म्हणूनच नेहमी योग्य मार्गाचा अवलंब करून पैसा कमवावा, असे म्हटले जाते. अशा पैशाने तुम्ही तुमच्या सर्व इच्छा पूर्ण करू शकत नाही, परंतु माता लक्ष्मीच्या कृपेने तुम्हाला येणाऱ्या काळात दुहेरी लाभ मिळतात.
…..
