इंडिया दर्पण ऑनलाईन डेस्क – आजच्या काळात प्रत्येक व्यक्तीचा दुसऱ्या व्यक्तीवर विश्वास राहिलेले नाही म्हणजे एकमेकांमध्ये अविश्वासाचे वातावरण जास्त दिसून येते. परंतु एकमेकांचा विश्वास संपादन करायचा असेल तर नेमके काय करावे. या संदर्भात आर्य चाणक्य यांनी आपल्या चाणक्य नीति मध्ये काही गोष्टी सांगितल्या आहेत ते जाणून घेणे आवश्यक ठरते.
जीवनात प्रत्येकानेच आपल्या मताशी सहमत होणे फार कठीण असतं. परंतु हा गुण काही लोकांमध्ये जन्मजात असतो. महान विद्वान आचार्य चाणक्य यांनी चाणक्य नीतिमध्ये याविषयी काही महत्त्वाच्या गोष्टी सांगितल्या आहेत. या गोष्टींच्या मदतीने एखादी व्यक्ती इतरांना विश्वासात घेऊ शकते. मात्र यासाठी आधी त्या व्यक्तीची योग्य ओळख होणं आवश्यक आहे. यासाठी चाणक्य यांनी त्यांच्या चाणक्य नीतिमध्ये सांगितलेल्या काही पध्दती आहेत.
आचार्य चाणक्य म्हणतात की, सामान्य माणसाला अंदाज देत एखाद्या गोष्टीचे महत्त्व समजावून सांगून त्याचा मुद्दा मांडता येतो,. पण असे काही लोक असतात ज्यांना कोणत्याही गोष्टीची तयार करणं जवळजवळ अशक्य असतं. अशा वेळी या लोकांची सहमती मिळवण्यासाठी काही खास पद्धतीचा अवलंब करावा लागतो.
चाणक्य नीति म्हणते की, लोभी व्यक्तीला पैसे देऊनच कशासाठीही प्रवृत्त केलं जाऊ शकतं. जर तुम्हाला एखाद्या अहंकारी व्यक्तीला कोणत्याही गोष्टीसाठी तयार करायचं असेल, तर त्याच्यासमोर आपले हात जोडा, यामुळे त्याचा अहंकार पूर्णपणे नष्ट होईल आणि तो तुमची आज्ञा पाळण्यास सहज तयार होईल.
मूर्ख माणसाकडून तुमचे म्हणणे मान्य करून घ्यायचे असेल तर त्याचा मूड पाहून त्यानुसार वागले पाहिजे. जेणेकरून तो आनंदी असेल आणि तुमच्यावर विश्वास ठेवेल. तरच त्याला काहीही करायला लावता येऊ शकतं. दुसरीकडे बुद्धिमान व्यक्तीला अंदाज देऊन सत्य सांगून काहीही करण्यास प्रवृत्त केलं जाऊ शकतं. पण यासाठी तुम्ही हुशार असायला हवं, अन्यथा तो कोणत्याही स्थितीत तुमचे ऐकणार नाही.
Acharya Chanakya Niti Trust Convince Anyone
Philosophy
