मुंबई (इंडिया दर्पण वृत्तसेवा) – भारतात सर्वाधिक मृत्यू हे रस्ते अपघातात होतात. म्हणजे, कोरोनामुळे जेवढे मृत्यू झाले नाही त्यापेक्षा अधिक हे रस्ते अपघातात होतात. मात्र, अद्यापही रस्ते अपघातांचा प्रश्न गांभिर्याने घेण्यात आलेला नाही. खासकरुन रस्ते अपघातांचा प्रश्न आमदार विनायक मेटे यांच्या मृत्यूनंतर सर्वाधिक चर्चिली जात आहे. रस्ते अपघात होण्याचे एक कारण आहे ते म्हणजे रोड हिप्नॉसिस. तो काय आहे. त्यामुळे अपघात कसा होतो? काय होते नेमके त्यात? तसेच, यासंदर्भात व्हायरल होणारा मेसेज आणि त्याचे सत्य काय आहे हे आपण आता जाणून घेणार आहोत…
रोड हिप्नॉसिस म्हणजे रस्ते संमोहन. ही एक शारीरिक स्थिती आहे. जी बहुतेक ड्रायव्हर्सना लक्षात येत नाही किंवा त्यांना माहिती नसते. रोड हिप्नोसिस रस्त्यावर उतरल्यानंतर अडीच तासांनी सुरू होते. संमोहित ड्रायव्हरचे डोळे उघडे असतात, परंतु मेंदू जे काही पाहतो ते रेकॉर्ड आणि विश्लेषण करत नाही. रोड हिप्नॉसिस हे तुमच्या समोर उभ्या असलेल्या वाहनाला किंवा ट्रकला मागील बाजूस अपघात होण्याचे पहिले कारण आहे.
रोड हिप्नोसिस असलेल्या ड्रायव्हरला टक्कर होईपर्यंत शेवटच्या १५ मिनिटांत काहीही आठवत नाही. तो किती किमी वेगाने जात आहे, किंवा त्याच्या समोरच्या कारचा वेग, सहसा टक्कर १४० किमीच्या वर असते याचे विश्लेषण करू शकत नाही. रोड हिप्नोसिसपासून स्वतःचे संरक्षण करण्यासाठी, दर अडीच तासांनी थांबणे, चालणे, चहा किंवा कॉफी पिणे आवश्यक आहे.
लांब रस्त्यावर रोड संमोहनपूर्वी काही काळ चलचित्र बघितल्या सारखे वाटून नुसते बघत रहातो. वाहन चालवताना काही ठिकाणे आणि वाहने लक्षात ठेवणे आवश्यक आहे. जर तुम्हाला शेवटच्या १५ मिनिटांत काहीही आठवत नसेल, तर याचा अर्थ तुम्ही स्वत:ला आणि प्रवाशांना मृत्यूकडे नेत आहात. रोड संमोहन रात्रीच्या वेळी अधिक वेळा घडते आणि प्रवासी देखील झोपलेले असल्यास, परिस्थिती खूप गंभीर होते.
चालकाने थांबावे, विश्रांती घ्यावी, दर अडीच तासांनी ५ ते ६ मिनिटे चालावे आणि आपले मन मोकळे ठेवावे. डोळे उघडे असले तरी जर का मन बंद असेल तर अपघात अटळ आहे. गाडी चालवता चावलता ब्ल्यांक होणे थांबवा, क्षणभर गाडी बाजूला घेऊन दीर्घ श्वास घ्या आणि फ्रेश होऊन इकडे तिकडे बघत परत उत्साहात सुरू करा, असे मार्गदर्शन या सूचनांमध्ये करण्यात आले आहे.
Accident Reason Road Hypnosis What is It
