मनमाड -येवला राज्य मार्गावर भीषण अपघात ( व्हिडीओ )

अजय सोनवणे, इंडिया दर्पण वृत्तसेवा
येवला – मनमाड -नगर राज्य मार्गावर संतोषी माता मंदिरासमोर दुचाकी व पिकअप चा समोरा समोर अपघात झाल्याने दुचाकी वरील दोन इसम गंभीर जखमी झाले. त्यांच्यावर खाजगी रुग्णालयात उपचार सुरू आहे. येवल्याकडून मनमाडच्या दिशेने जात असलेल्या पिकअपने दुचाकीला जोरदार धडक दिल्याने मनमाडकडून दुचाकीवरून येवल्याकडे येत असलेले अक्रम शेख, रा. येवला व नवनाथ ठोंबरे रा. पुरणगाव हे गंभीर जखमी झाले. त्यांना विंचूर रोडवरील शांतीपुष्प हॉस्पिटल मध्ये दाखल करण्यात आले. त्यांच्यावर उपचार सुरू आहे तर पिकअप चालक अपघात होताच त्या ठिकाणाहून पळून गेला आहे. अधिक तपास येवला शहर पोलीस करीत आहे.