इंडिया दर्पण ऑनलाईन डेस्क
मुंबईत लालबाग राजाच्या विसर्जन मिरवणुकीपूर्वीच मुख्य प्रवेशद्वाराच्या समोरील मार्गावर भरधाव येणाऱ्या गाडीने दोन चिमुकल्यांना चिरडले. यात दोन वर्षांची चंद्रा वजणदार हिचा या अपघातानंतर जागीच मृत्यू तर ११ वर्षीय शैलू वजणदार हा अपघातात गंभीर जखमी झाल्या. अपघातानंतर लगेचच दोघांनीही जवळ असलेल्या परळच्या केईएम रुग्णालयात दोघांनाही दाखल करण्यात आले.
मात्र, दोन वर्षाच्या चंद्राला वाचवण्यात यश मिळाले नाही. ११ वर्षीय शैलू याच्यावर सध्या केईएम रुग्णालयात उपचार सुरू आहेत. या अपघातानंतर चालक गाडी घेऊन घटनास्थळावरून फरार झाला. या प्रकरणी काळाचौकी पोलिस ठाण्यात अज्ञात चालकाविरुद्ध गुन्हा दाखल करण्यात आला. त्यानंतर चालकाचा आणि त्याच्या गाडीचा शोध पोलिसांकडून घेतला जात आहे.
ही घटना पहाटे चारच्या दरम्यान घडली. ही दोन्ही मुले रस्त्याच्या कडेला झोपली होती. भरधाव येणाऱ्या वाहनचालकाने थेट या मुलांच्या अंगावर गाडी घातली. त्यानंतर तिथे मदत न करता त्या वाहनचालकाने घटनास्थळीवरून पळ काढला. लालबाग राजाच्या मिरवणुकीची तयारी सुरू असल्याने लोकांची मोठी गर्दी तिथे होती.
