नाशिक (इंडिया दर्पण वृत्तसेवा)- भरधाव अज्ञात वाहनाने दिलेल्या धडकेत ५४ वर्षीय पादचारीचा मृत्यू झाला. हा अपघात वडाळा पाथर्डी मार्गावरील सराफ लॉन्स भागात झाला होता. याप्रकरणी इंदिरानगर पोलीस ठाण्यात मृत्यूची नोंद करण्यात आली आहे.
मधुकर किसनराव बलसाने (रा.अभिमन्यु अपा.सम्राट स्वीट मागे) असे मृत पादचारीचे नाव आहे. बलसाने सोमवारी (दि.१२) सायंकाळच्या सुमारास फेरफटका मारण्यासाठी घराबाहेर पडले होते. वडाळा पाथर्डी मार्गावरील सराफ लॉन्स भागातून ते रस्त्याने पायी जात असतांना पाठीमागून भरधाव आलेल्या अज्ञात वाहनाने त्यांना जोरदार धडक दिली होती.
या अपघातात ते गंभीर जखमी झाल्याने मुलगा सचिन बलसाने यांनी त्यांना सह्याद्री हॉस्पिटल येथे दाखल केले असता गुरूवारी (दि.१५) उपचार सुरू असतांना डॉ. भाग्यश्री निकम यांनी त्यांना तपासून मृत घोषीत केले. अधिक तपास हवालदार खरोटे करीत आहेत.
