नाशिक (इंडिया दर्पण वृत्तसेवा)- शहर परिसरात वेगवेगळया ठिकाणी झालेल्या अपघातांमध्ये तिघांचा मृत्यू झाला. त्यात एका दुचाकीस्वारासह दोन पादचारींचा समावेश आहे. याप्रकरणी अंबड इंदिरानगर व नाशिकरोड पोलीस ठाण्यात मृत्यूच्या नोदी करण्यात आल्या आहेत.
पोलीसांनी दिलेल्या माहितीनुसार अशोक भिमराव पवार (२७ रा.खुंडेवाडी ता.देवळा) हा युवक गुरूवारी (दि.१४) रात्री मुंबई आग्रा महामार्गावरून प्रवास करीत असताां पाथर्डी फाटा परिसरातील ताज हॉटेल समोरील उड्डाणपूलावर दुचाकी अपघातात तो गंभीर जखमी झाला होता. भाऊ रविराज पवार याने त्यास तात्काळ आडगाव मेडिकल कॉलेज येथे दाखल केले असता शनिवारी (दि.१६) उपचार सुरू असतांना डॉ.राधिका वरमवार यांनी त्यास तपासून मृत घोषीत केले. याबाबत अंबड पोलीस ठाण्यात मृत्यूची नोंद करण्यात आली असून अधिक तपास हवालदार चव्हाण करीत आहेत.
दुसरा अपघात याच परिसरातील वडनेर पाथर्डी मार्गावर झाला. साहेबराव रंगनाथ जाधव (५३ रा.कपील वस्ती पाथर्डी गाव) हे शुक्रवारी (दि.१५) सेल पेट्रोल पंपाजवळील यश मेडिकल समोरून आपल्या घराकडे पायी जात असतांना त्यांना भरधाव अ‍ॅटोरिक्षाने धडक दिली होती. या अपघातात ते गंभीर जखमी झाल्याने मुलगा कृष्णा जाधव यांनी तात्काळ जिल्हारूग्णालयात दाखल केले असता उपचार सुरू असतांना वैद्यकीय सुत्रांनी त्यांना मृत घोषीत केले. याबाबत इंदिरानगर पोलीस ठाण्यात मृत्यूची नोद करण्यात आली असून अधिक तपास हवालदार पवार करीत आहेत.
तिसरा अपघात नाशिकरोड भागात झाला. अजय हिरासिंग पाल (२४ रा.चाकण,पुणे) हा युवक शुक्रवारी नाशिकरोड परिसरातील स्फृती हॉटेल समोरून पायी जात असतांना अज्ञात चारचाकीने त्यास जोरदार धडक दिली. या अपघातात तो गंभीर जखमी झाल्याने मित्र वेलव प्रितसिंग याने त्यास तात्काळ जिल्हारूग्णालयात दाखल केले असता दुसºया दिवशी शनिवारी उपचार सुरू असताना डॉ. शेवंता नलवडे यांनी त्यास तपासून मृत घोषीत केले. याबाबत नाशिकरोड पोलीस ठाण्यात मृत्यूची नोंद करण्यात आली असून अधिक तपास हवालदार पाटील करीत आहेत.
