नाशिक – एबीबी सिग्नल येथे मध्यरात्री दोन कारची टक्कर होऊन झालेल्या अपघातात एका पाच वर्षीय मुलाचा जागीच दुर्दैवी मृत्यू झाल्याची घटना घडली. या अपघातात सात ते आठ प्रवाशी सुध्दा जखमी झाले आहे. महिंद्रा झायलो कार आणि मारुती ब्रिझा ही दोन्ही वाहने एकमेकासमोर धडकल्यामुळे हा अपघात झाला. या अपघातामुळे दोन्ही मोटारी उलटल्या व प्रवासी बाहेर फेकले गेले. या घटनेची माहिती मिळताच गंगापूर पोलीस, तसेच रुग्णवाहिका घटनास्थळी दाखल झाल्या. त्यानंतर जखमींना तातडीने जिल्हा शासकीय रुग्णालयात दाखल करण्यात आले.
