नाशिक – नाशिक रोडला पार्थडी वडनेर मार्गावर वालदेवी नदीलगत ट्रकच्या धडकेत दुचाकीहून प्रवास करणाऱ्या महिलेचा मृत्यु झाला. सत्यभामा निवृत्ती लांडगे (वय ६५ शिगवेबहुला आंबडवाडी दे. कॅम्प) असे अपघातात मृत्यु झालेल्या महिलेचे नाव आहे. याप्रकरणी गोपाळ बंडू जाधव (वय २२, सिध्दार्थनगर, एकलहरे गेट) यांच्या विरोधात गुन्हा दाखल झाला आहे. शुक्रवारी (दि ८) साडे सातला योगेश निवृत्ती लांडगे (वय २४, शिंगवे बहुला आंबडवाडी मातंगवाडा) हा युवक त्याच्या दुचाकीवरुन त्याची आई सत्यभामा आणि मुलगा युवराज यांना घेउन जात असतांना पाठीमागून आलेल्या ट्रक (एमएच ०४ सी २६५१) ने धडक दिल्याने त्यात, गंभीर जखमी होउन सत्यभामा लांडगे यांचा मृत्यु झाला.
