नाशिक : औरंगाबादरोडवरील हॉटेल फॉगसिटी भागात धावत्या दुचाकीवरून घाबरून उडी मारल्याने महिलेचा मृत्यू झाल्यचाी घटना घडली आहे. कमल दौलत चकोर (रा.कुरूडगाव ता.निफाड) असे मृत महिलेचे नाव आहे. चकोर या सोमवारी दुपारी आपल्या पतीच्या दुचाकीवर डबलसिट प्रवास करीत असतांना हा अपघात झाला. चकोर दांम्पत्य निफाड कडून नाशिकच्या दिशेने येत होते. ते हॉटेल फॉगसिटी भागात पोहचल्यानंतर विरूध्द दिशेने येणा-या दुचाकीस घाबरून कमल चकोर यांनी धावत्या दुचाकीवरून उडी मारली होती. या घटनेत त्यांच्या डोक्यास वर्मी मार लागल्याने पतीने त्यांना नजीकच्या सुर्योदय हॉस्पिटल येथे दाखल केले. येथे उपचार सुरू असतांना त्यांचा मृत्यू झाला. याप्रकरणी आडगाव पोलीस ठाण्यात मृत्यूची नोंद करण्यात आली आहे. तपास पोलीस नाईक जाधव करीत आहेत.
