नाशिक : औरंगाबादरोडवरील माडसांगवी टोलनाका भागात रस्ता ओलांडत असतांना भरधाव वाहनाने धडक दिल्याने ३५ वर्षीय पादचारी तरूण ठार झाल्याची घटना घडली. महेश भाऊ निंबारा (३५ रा.माडसांगवी टोलनाका ताजि.नाशिक) असे अपघातात ठार झालेल्या तरूणाचे नाव आहे. निंबारा हे सोमवारी दुपारच्या सुमारास माडसांगवी येथील टोलनाका भागातून पायी जात होते. रस्ता ओलांडत असतांना भरधाव आलेल्या अज्ञात वाहनाने त्यास जोरदार धडक दिली. या अपघातात ते गंभीर जखमी झाल्याने त्यास तात्काळ जिल्हा रूग्णालयात दाखल केले असता वैद्यकीय सुत्रांनी मृत घोषीत केले. याप्रकरणी आडगाव पोलीस ठाण्यात नोंद करण्यात आली आहे. अधिक तपास हवालदार भुसारे करीत आहेत.
