नाशिक – त्र्यंबकरोडवरील पपया नर्सरी जवळ भरधाव दुचाकींची समोरासमोर धडक, एक दुचाकीस्वार ठार
नाशिक – त्र्यंबकरोडवरील पपया नर्सरी भागात भरधाव दुचाकींच्या समोरासमोर झालेल्या धडकेत एक दुचाकीस्वार ठार झाला तर दुसरा गंभीर जखमी आहे. याप्रकरणी प्रभू चव्हाण (वय ४५) असे अपघातात मृत्यमुखी पडलेल्या दुचाकीस्वाराचे नाव आहे. चव्हाण गेल्या ७ जानेवारी रोजी पपया नर्सरी कडून आपल्या काळया रंगाच्या अ‍ॅक्टीव्हावर एमएच १५ एव्ही ५२६० विरूध्द दिशेने नाशिककडे प्रवास करीत असतांना हा अपघात झाला. भरधाव वेगात प्रवास करीत असतांना त्याने समोरून येणा-या एमएच १५ एचएस २२३१ या पांढºया रंगाच्या अ‍ॅक्टीव्हाला धडक दिली होती. या अपघातात चव्हाण याच्यासह समोरून येणा-या निखील सुरेश विटकर हा चालक गंभीर जखमी झाला होता. सातपूर पोलीस ठाण्यात अपघाताची नोंद करण्यात आली आहे. त्यातील चव्हाण याचा उपचारादरम्यान मृत्यु झाला असून अधिक तपास सहाय्यक निरीक्षक पठाण करीत आहेत.
नाशिक – पाथर्डी शिवारात भरधाव दुचाकी घसरल्याने दुचाकीस्वार ठार
नाशिक : पाथर्डी शिवारात भरधाव दुचाकी घसरल्याने ५६ वर्षीय दुचाकीस्वार ठार झाल्याची घटना घडली. दीपक शिवाजी खंदारे (रा.साईलिला पार्क,पाथर्डी) असे अपघातात ठार झालेल्या दुचाकीस्वाराचे नाव आहे. खंदारे पाथर्डी परिसरात आपल्या दुचाकीवर प्रवास करीत असतांना हा अपघात झाला होता. भरधाव दुचाकी घसरल्याने ते गंभीर जखमी झाले होते. या घटनेत त्यांच्या डाव्या खुब्याला इजा झाल्याने कुटूंबियांनी तात्काळ सुयश हॉस्पिटल येथे दाखल केले असता उपचार सुरू असतांना डॉ.यतीद्र दुबे यांनी त्यांना मृत घोषीत केले. याप्रकरणी इंदिरानगर पोलीस ठाण्यात मृत्युची नोंद करण्यात आली आहे. अधिक तपास हवालदार पथवे करीत आहेत.
