नाशिक : लॅमरोड भागात दोन दुचाकींच्या धडकेत २८ वर्षीय तरूण ठार झाला आहे. नविन दिपक नन्नावरे (रा.आंबेडकर नगर,नाशिक पुणा रोड) असे मृत दुचाकीस्वाराचे नाव आहे. नविन नन्नावरे हा गुरूवारी सकाळी देवळाली कॅम्प येथून नाशिकरोडच्या दिशेने आपल्या दुचाकीवर प्रवास करीत असतांना हा अपघात झाला. लॅमरोडने नाशिकरोडच्या दिशेने तो येत असतांना दोन दुचाकींमध्ये समोरासमोर धडक झाली. या घटनेत नन्नावरे गंभीर जखमी झाल्याने त्यास तातडीने इंदिरानगर येथील बोरा हॉस्पिटल येथे दाखल करण्यात आले होते. उपचार सुरू असतांना त्याचा मृत्यु झाला. याप्रकरणी देवळाली कॅम्प पोलीस ठाण्यात नोंद करण्यात आली आहे. अधिक तपास हवालदार ठाकरे करीत आहेत.
