नाशिक – भगूर रोडवरील दारणा पूलाजवळ भरधाव अज्ञात वाहनाच्या धडकेत दुचाकीस्वार ठार झाल्याची घटना घडली आहे. या अपघातात मामा भाचे जखमी झाले आहे. रोहिदास सुभाष माळी (४५ रा. महालक्ष्मी मंदीर, शिंगवे ता.निफाड) असे अपघातात ठार झालेल्या व्यक्तीचे नाव आहे. याप्रकरणी देवळाली कॅम्प पोलीस ठाण्यात अपघाताची नोंद करण्यात आली आहे. पोलिसांनी दिलेली माहीती अशी, चिंतामण गणपत फसाळे ( ३३,रा. महालक्ष्मी मंदीर शिंगवे) यांनी तक्रार दाखल केले आहे. फसाळे यांचे मृत माळी हे मेव्हणे असून ते आपल्या दुचाकीवर पांढुर्ली येथे गेले होते. रात्री दोघे शालक मेव्हणे आणि भाचा असे दुचाकी ट्रिपलसिट प्रवास करीत असतांना हा अपघात झाला. तिघे रात्रीच्या सुमारास भगुररोडने प्रवास करीत असतांना दारणापुलाजवळ अज्ञात भरधाव चारचाकीने दुचाकीस धडक दिल्याने तिघे जण जखमी झाले होते. त्यातील माळी यांच्या डोक्यास वर्मी मार लागल्याने त्यांचा मृत्यु झाला असून अधिक तपास सहाय्यक निरीक्षक गिते करीत आहेत.
नाशिक – भगूर रोडवरील दारणा पूलाजवळ भरधाव अज्ञात वाहनाच्या धडकेत दुचाकीस्वार ठार
