नाशिक – दुचाकीच्या धडकेत संत कबीर नगर भागात एका महिलेचा मृत्यु
नाशिक – दुचाकीच्या धडकेत संत कबीर नगर भागात एका महिलेचा मृत्यु झाला. सुमनबाई सुरेश पगारे (वय ५०, संत कबीरनगर, भोसला मिलटरी स्कूलमागे कॉलेज रोड) असे मृत महिलेचे नाव आहे. याप्रकरणी गंगापूर पोलिस ठाण्यात नोंद करण्यात आली आहे. शुक्रवारी दुपारी चारच्या सुमारास संत कबीरनगर येथील पत्र्याच्या शाळेजवळ हा अपघात झाला भरधाव दुचाकीच्या धडकेत सुमनबाई गंभीर जखमी झाल्या. त्यांच्या डोक्यातून रक्तस्त्राव होउन त्या बेशुध्द झाल्याने त्यांना उपचारासाठी जिल्हा रुग्णालयात दाखल केले असता, डॉ. तडवी यांनी मृत घोषीत केले.
चोरट्यांनी सुमारे दीड लाखांचा ऐवज केला लंपास
नाशिक – घरफोडीत चोरट्यांनी सुमारे दीड लाखांचा ऐवज लंपास केल्याची घटना सातपूरला कामगार नगर भागात घडली आहे. शुक्रवारी कार्बननाका भागात मेगा फॅब्रीकेटर्स प्रा. लि. या कंपनीत चोरट्यांनी कंपनीभोवती लावलेले पत्रे उचकाटून कंपनीत प्रवेश करुन दीड लाखांचा ऐवज लंपास केला.महेंद्रकुमार अमृतलाल पांचाळ (वय ५५, गुरुकुल सोसायटी, वनविहार कॉलनी कामगार नगर ) यांच्या तक्रारीवरुन सातपूर पोलिस ठाण्यात गुन्हा दाखल झाला आहे.
विष घेऊन आत्महत्या
नाशिक – विष घेऊन एकाने जुने नाशिक परिसरातील नानावली भागात आत्महत्या केली आहे. सचिन मारुतराव वाकोडे (वय ४२, नानावली दर्गाजवळ) असे मृत व्यक्तीचे नाव आहे. वाकोडे यानी शुक्रवारी (दि.२१) पावने नऊच्या सुमारास घरी उंदीर मारण्याचे विषारी औषध घेतल्याने त्याला उपचारासाठी आडगाव मेडीकल कॉलेजमध्ये त्यानंतर जिल्हा रुग्णालयात दाखल केले असता, बाराच्या सुमारास डॉ. थॉमस यांनी मृत घोषीत केले.
