नाशिक – दिंडोरी रोड मार्गावर भरधाव दुचाकी झाडावर आदळून एकाचा मृत्यु
नाशिक – म्हसरुळ दिंडोरी रोड मार्गावर भरधाव दुचाकी झाडावर आदळून एकाचा मृत्यु झाला. संदेश रामदास पवार (वय ५१, दिलापीनगर, राजश्री अपार्टमेंट, इंदिरानगर) असे अपघातात मृत्यू झालेल्या व्यक्तीचे नाव आहे. याप्रकरणी ज्ञानेश्वर वामनराव बच्छाव (वय ४०, कॉलेज रोड) यांच्या तक्रारीवरुन म्हसरुळ पोलिस ठाण्यात गुन्हा दाखल झाला आहे. पोलिसांनी दिलेली माहीती अशी बुधवारी (ता.२९) रात्री साडे अकराच्या सुमारास मृत संदेश पवार हे त्यांच्या प्लॅटिना (एमएच ४१ के ३२९६) हिच्यावरुन म्हसरुळ गावाकडून नाशिकला जात असतांना त्यांची भरधाव दुचाकी झाडावर आदळून त्यात, गंभीर जखमी झाले त्यातच त्यांचा मृत्यु झाला. याप्रकरणी म्हसरुळ पोलिस ठाण्यात गुन्हा दाखल झाला असून पोलिस उपनिरीक्षक व्ही.के.माळी करीत आहेत
नाशिक – खिडकीचे गज कापून बंगल्यात प्रवेश करणारा गजाआड
नाशिक – कॉलेज रोड परिसरात डिसोझा कॉलनीत बंगल्यातील खिडकीचे गज कापून घरफोडीचा प्रयत्नात असलेल्या एकाला पकडण्यात यश आले. मयुर बाळासाहेब शिरसाठ (वय २९, क्रांतीनगर,पीरबाबानगर मखमलाबाद) असे
संशयिताचे नाव आहे. पोलिसांनी दिलेली माहीती अशी बुधवारी (ता.२९) डिसोझा कॉलनीत मनीषा राजू निकम यांच्या गंगापूर रोड वरील सावरकरनगर मल्हार मनोमय बंगल्यात मागच्या बाजूने घुसून खिडकीचे गज कापून बंगल्यात प्रवेश करीत असल्याच्या कारणावरुन अटक करण्यात आली याप्रकरणी किशोर भामरे यांच्या तक्रारीवरुन गंगापूर पोलीस ठाण्यात गुन्हा दाखल झाला आहे.
