नाशिक (इंडिया दर्पण वृत्तसेवा)- धावत्या रिक्षातून पडल्याने ५८ वर्षीय प्रवासी जखमी झाला. हा अपघात मखमलाबाद नाका येथील मनपा शाळा भागात झाला. चालकाच्या हलगर्जीपणा मुळे ही घटना घडल्याचा आरोप करण्यात आला असून याप्रकरणी पंचवटी पोलीस ठाण्यात गुन्हा दाखल करण्यात आला आहे.
पोलीसांनी दिलेल्या माहितीनुसार अमोल सुभाष मुर्तडक असे गुन्हा दाखल करण्यात आलेल्या संशयित रिक्षाचालकाचे नाव आहे. याबाबत धनश्री सांगडे (रा. मानकर पेट्रोलपंपाजवळ मखमलाबाद) यांनी याबाबत फिर्याद दिली आहे. सांगडे यांचे पती सोमनाथ नामदेव सांगडे (५८) हे गेल्या १४ मे रोजी रात्री आठच्या सुमारास एमएच १५ जेए ३८९० या अ‍ॅटोरिक्षातून प्रवास करीत असतांना हा अपघात झाला होता. मखमलाबाद नाका परिसरातील मनपा शाळा भागातून ते प्रवास करीत असतांना रस्त्याच्या परिस्थीतीकडे दुर्लक्ष करीत चालकाने आपले वाहन दामटल्याने ही घटना घडली होती. चालकाच्या हलगर्जीपणामुळे सांगडे धावत्या रिक्षातून पडले होते. या घटनेत त्यांच्या डोक्यास,पायास व खांद्यास गंभीर दुखापत झाली असून अधिक तपास हवालदार बाविस्कर करीत आहेत.
