इंडिया दर्पण ऑनलाईन डेस्क
लखनऊः उत्तर प्रदेशातील नोएडा-ग्रेटर नोएडा एक्स्प्रेस वेवर भीषण रस्ता अपघात झाला. या अपघातात तीन महिला आणि दोन पुरुषांसह पाच जणांचा मृत्यू झाला. हे पाचही एकाच कुटुंबातील आहेत.
या अपघातात कार चालकाचा जागीच मृत्यू झाला. अपघातात प्राण गमावलेले पाचही जण एकाच कुटुंबातील असल्याचे सांगण्यात येत आहे. रस्त्याच्या कडेला उभ्या असलेल्या तुटलेल्या ट्रकवर कार आदळली. या अपघातात कारचे चक्काचूर होऊन मोठे नुकसान झाले. स्थानिक लोकांनी सांगितले की, कार भरधाव वेगात होती. सेक्टर १४६ मेट्रो स्टेशनजवळ रस्त्याच्या कडेला उभ्या असलेल्या ट्रकवर जाऊन ती धडकली. या भीषण अपघातानंतर नॉलेज पार्क पोलिस ठाण्याने तात्काळ मदतकार्य हाती घेत कारमधील सर्व जखमींना रुग्णालयात दाखल केले. तिथे डॉक्टरांनी सर्व जखमींना मृत घोषित केले. दोन्ही वाहने रस्त्यावरून हटवण्यात आली असून वाहतूक सुरळीत सुरू आहे.
कारमधील लोक एकाच कुटूंबातील असल्याचे सांगण्यात येत असून त्यात देवी सिंग यांचा मुलगा अमन (वय २७), देवी सिंग (वय ६०रा. काशीराम कॉलनी, घोडीजवळ) रामशाह मुलगा, राजकुमारी, पत्नी, घोडीजवळील ग्यानी सिंग आणि कमलेशची पत्नी जीवन यांचा मृतात समावेश आहे.
