पुणे (इंडिया दर्पण वृत्तसेवा) – नाशिक – पुणे मार्गावर मंचर जवळ दुचाकीवरील तिघांना खासगी ट्रॅव्हल बसने धडक दिल्याची दुर्दैवी घटना घडली. या अपघातात तिघांचा जागीच मृत्यू झाला. शनिवारी पहाटे दीड वाजण्याच्या सुमारास ही घटना घडली.
या अपघातात प्रतीक तुकाराम गारे (२१), तेजस मारुती घोडे (२१) व करण ज्ञानेश्वर ढेंगले (१८) यांचा मृत्यू झाला. हे तिन्ही जुन्नर तालुक्यातील होते. या अपघात प्रकरणी बसचालक राजेशकुमार भोलुराम गुजर, रा. राजस्थान याच्यावर गुन्हा दाखल केला आहे. जुना मुंबई – पुणे महामार्गावर मंचर – शेवळवाडी गावच्या हद्दीत हा अपघात झाला.
हे तिघेजण पहाटे दीडच्या सुमारास पुण्याकडे जात असतांना या बसने त्यांना जोरदार धडक दिली. या घटनेनंतर ट्रॅव्हलबस चालक फरार झाला. मात्र ग्रामस्थांनी त्याला पाठलाग करुन पकडले.
