नाशिक (इंडिया दर्पण वृत्तसेवा) – मुंबई – आग्रा महामार्गावर इगतपुरी तालुक्यातील गोंदे औद्योगिक वसाहतीतील लिअर कंपनीजवळ पोलिसांच्या वाहनाचा अपघात झाल्याची घटना घडली. या घटनेत नाशिक शहर पोलिस स्थानकाचे संतोष भगवान सौंदाणे (वय ५७), सचिन परमेश्वर सुक्ले (वय ४३), रविंद्र नारायन चौधरी (वय ३७) हे पोलिस जखमी झाले आहे. जखमींना वाडीवऱ्हे येथील प्राथमिक आरोग्य केंद्रात दाखल केले आहे. पोलिसांचे वाहन नाशिकहून मुंबईच्या दिशेने जात असतांना ही घटना घडली. या अपघातात तीन वाहने एकमेकांवर आदळली. या अपघातात पोलिसांच्या वाहनाने तीन पलट्या मारल्या. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांना अपघाताची माहिती मिळाली. त्यांनी तातडीने अपघातग्रस्तांना मदत केली.
