नाशिक (इंडिया दर्पण वृत्तसेवा) – खरेदी खताची नोंद सातबारा उताऱ्यावर लावण्याच्या मोबदल्यात दहा हजार रुपये लाच मागणी करून सदर लाच रक्कम स्वीकारण्याची तयारी दर्शवली म्हणून अहिल्यानगर जिल्ह्यातील जामखेड येथील तलाठी मुजीब अब्दुलरब शेख यांच्या विरुध्द जामखेड पोलीस ठाणे येथे गुन्हा दाखल करण्यात आला आहे.
या कारवाईबाबत लाच लुचपत प्रतिबंधक विभागाने माहिती दिली आहे. तक्रारदारांच्या वडीलांनी शेत जमीन खरेदी केली होती. त्याची नोंद सातबा-यावर करण्यासाठी ही लाच तलाठी यांनी मागीतली. त्यानंतर हा गुन्हा दाखल झाला.
लाच मागणी अहवाल**
युनिट –अहिल्यानगर.
तक्रारदार- पुरुष,वय-23 वर्षे
आलोसे-1) मुजीब अब्दुलरब शेख, वय 51 वर्ष, धंदा नोकरी, तलाठी, तत्कालीन नेमणूक सजा हाळगाव, ता. जामखेड जि. अहिल्यानगर, सध्या नेमणूक तलाठी सजा सावरगावतळ, ता. संगमनेर, जि. अहिल्यानगर, रा. नवी पेठ, कर्जत, जि. अहिल्यानगर.
लाचेची मागणी- 10,000/- रुपये. लाच स्विकारली -*निरंक
*हस्तगत रक्कम-* निरंक
*लाचेची मागणी दि.30/05/2024
*लाच स्वीकारली* निरंक
लाचेचे कारण
यातील तक्रारदार यांचे वडिलांनी मौजे हाळगाव, ता. जामखेड येथील गट नंबर 155 मधील 1 हेक्टर 10 आर व गट नं. 154 मधील 2 हेक्टर 30 आर क्षेत्र खरेदी केले होते. सदर खरेदी खताची नोंद 7/12 उताऱ्यावर नोंद लावण्याच्या मोबदल्यात आलोसे यांनी 3000/- रुपये रक्कमेची लाच मागणी केले बाबतची तक्रार दि. 30/05/2024 रोजी ला. प्र. वि. अहिल्यानगर येथे प्राप्त झाली होती. त्यानुसार दि. 30/05/2024 रोजी लाच मागणी पडताळणी करण्यात आली. लाच मागणी पडताळणी कारवाई दरम्यान आलोसे यांनी पंचासमक्ष तक्रारदार यांचे नमूद खरेदी खताची नोंद 7/12 उताऱ्यावर लावण्याचा मोबदल्यात 10,000/-₹. लाच मागणी करून सदर लाच रक्कम स्वीकारण्याची तयारी दर्शवली. म्हणून आलोसे यांचे विरुद्ध जामखेड पोलीस ठाणे येथे गुन्हा दाखल करण्यात आला आहे.
हॅश व्हॅल्यू घेण्यात आली आहे .
सापळा व तपास अधिकारी
श्री.अजित त्रिपुटे ,
पोलिस उप अधीक्षक , ला.प्र.वि. अहिल्यानगर. मोबा.नं.8329701344
सापळा पथक* पोहेकॉ संतोष शिंदे, पोना चंद्रकांत काळे, पोलिस अंमलदार रवींद्र निमसे, बाबासाहेब कराड, चापोहेकॉ हारून शेख
