सीडीएसचे प्रमुख संजय कुमार यांच्या विरोधात नाशिकसह नागपूर येथे गुन्हा दाखल…मतचोरीचे केले होते ट्विट

इंडिया दर्पण ऑनलाईन डेस्क
सेंटर फॅार स्टडी ऑफ डेव्हलपिंग सोसायटी म्हणजे सीडीएसचे प्रमुख संजय कुमार यांच्या विरोधात नाशिकसह नागपूर येथे गुन्हे दाखल करण्यात आले आहे. काँग्रेस नेते राहुल गांधी यांनी याद्यांचा घोळ असल्याचे सांगून काही ठिकाणी पत्रकार परिषदेतून सीडीएसच्या माहितीच्या आधारे मतचोरीचे आरोप केले होते. नाशिक येथील देवळाली विधानसभा मतदार संघ व रामटेक विधानसभा मतदार संघाबाबत त्यांनी माहिती दिली होती. त्यानंतर त्यांनी ही चुक परवा कबूल केली. त्यानंतर ही मोठी कारवाई करण्यात आली.

संजयकुमार यांच्या विरोधात नाशिक येथे सरकारवाडा पोलिस स्टेशन तर नागपूर येथे रामटेक पोलिस स्टेशनमध्ये गुन्हा दाखल करण्यात आला आहे. संजय कुमार यांनी १७ ऑगस्ट रोजी एक ट्विट केले होते.. त्यात नाशिकमध्ये २०२४ सालच्या निवडणुकीत लोकसभा निवडणुकीत ३२८०५३ मतदार होते. तर विधानसभा निवडणुकीत हा आकडा ४८३४५९ पर्यत वाढला असे म्हटले होते. म्हणजे हा आकडा ४७. ३८ टक्के वाढला अशी आकडेवाडी दिली होती. त्याचप्रमाणे त्याने इतर मतदार संघात अशीच आकडेवारी दिली होती.

नाशिकमध्ये गु्न्हा दाखल, ही आहे तक्रार
नाशिक येथे सरकारवाडा पोलिस स्टेशनमध्ये नायब तहसीलदार देवळाली मतदार संघ प्रविणा शेखर तडवी यांनी तक्रार दिली आहे. त्यात म्हटले आहे की, १० महिन्यापसून १२६ देवळाली अ.जा मतदारसंघ नाशिकचे निवडणुक विषयक कामकाज पाहत असून त्यात मतदाराची नोंदणी व नवीन मतदार नोंदणी सह इतर कामकाजाचा समावेश आहे. संजय कुमार हे राजकीय विश्लेषक असून त्यांचा Twitter अकाउंटवर नमुद पत्ता लोकनिती सीएसडीएस (Center for the study of Developing societies) मुख्यालय, नवी दिल्ली यांनी १२६, देवळाली मतदार संघ (अ.जा) मतदार संघामधील मतदार संख्येबाबत चुकीची माहीती समाज माध्यमाव्दारे खालीलप्रमाणे प्रसारीत केली आहे.
Some information of Maharashtra election
Ac no 126 Devlali
No of Voters in 2024
LS 456072
AS 288141
Decreased Voters 167931(36.82%)
@LoknitiCSDS @Csdsdelhi
मुख्य निवडणुक अधिकारी म.रा.मुबंई यांचेकडील निर्देशानुसार १२६, देवळाली मतदारसंघ (अ.जा) मतदारसंघामधील मतदार संख्येबाबत चुकीची माहीती समाजमाध्यमावर प्रसारीत केले आहे. तथापि संबधितांविरुध्द तातडीने गुन्हा नोंद करुन अनुपालन अहवाल सादर करणे बाबत मला कळविले आहे. संजय कुमार याचे विरुध्द गुन्हा नोंद करणे कामी मला प्राधिकृत करण्यात आले आहे. तथापि संजय कुमार यांनी दिनांक ११/०८/२०२५ रोजी ०९:३५ वाजता (Twitter x.com) या प्रसार माध्यमावर १२६, देवळाली मतदारसंघ (अ.जा) मतदारसंघ यांची लोकसभा निवडणुकीचेवेळी मतदार संख्या ही ४५६०७२ नमुद केलेली आहे. प्रत्यक्षात सदर मतदारसंख्या ही २७६९०२ इतकीच आहे. तसेच विधानसभा निवडणुकीची मतदारांची सख्या ही २८८१४१ नमुद केलेली आहे. त्यामुळे श्री संजय कुमार यांनी लोकसभा निवडणुकीत निश्चित करण्यात आलेली मतदार संख्या ही चुकीची माहीती प्रसार मध्यमावर प्रसारीत केलेली आहे. त्या बाबत भारतीय न्याय संहिता २०२३ चे कलम १७५ (निवडणुकीबाबत खोटी माहीती प्रसिध्द करणे), कलम ३५३(१) (बी) व कलम २१२, ३४०(१), (२), कलम ३५६ अन्वये संजय कुमार राजकीय विश्लेषक सीएसडीएस नवी दिल्ली याचेविरूध्द तक्रार आहे. या तक्रारीवरुन सरकारवाडा पोलिस स्टेशन येथे गुन्हा दाखल करण्यात आला आहे.