मुंबई (इंडिया दर्पण वृत्तसेवा) – अवघ्या ९ वर्षांच्या चिमुरडीला हृदयविकाराचा झटका आल्याची घटना घडली आहे. सुदैवाने तिला वेळेत उपचार मिळाले आणि तिच्यावर बायपास शस्त्रक्रीयाही यशस्वी झाली आहे. अवघ्या ९ वर्षांच्या अवनीला हृदयविकाराचा झटका आला. डॉक्टरही त्यामुळे चकीत झाले. अवनीचं हृदय एका ६५ वर्षांच्या वयोवृद्ध आजोबांसारखं कमकुवत झालं होतं. अखेर तिच्यावर सर्जरी केल्याने ती आता सुखरुप आहे.
हृदयविकाराच्या शंकेचं निरसन करण्यासाठी जन्म झाल्यापासून बारा वर्षापर्यंतच्या मुलांना टूडीइको कार्डिओग्राफी ही तज्ज्ञ डॉक्टरांकडून तपासणी करणं जरुरीचे असतं. या तपासणीचा रिपोर्ट बालरोग हृदयविकार तज्ज्ञांकडून बालरोग हृदयशल्यविशारद (सर्जन) कडून तपासून घेणं हे प्राथमिक गरजेचं असतं. डॉक्टरांनी वैद्यकीय चाचण्या केल्या. त्यानंतर अखेर अवनीची बायपास सर्जरी झाली. या सर्जरीने अवनीचं आयुष्या आता पुन्हा बॅक टू नॉर्मल झाले आहे.
सोलापूरच्या अवनीवर मुंबईत बायपास सर्जरी करण्यात आली. दरम्यान, तिचं हृदय अत्यंत कमकुवत झालं असल्याचं निदान नेमकं कशामुळे झालं, याबाबत तिच्या वडिलांनी अधिक माहिती दिली. एकदा नेहमीप्रमाणे अवनी खेळत होती. खेळता खेळता अचानक तिच्या छातीत दुखू लागलं. छातीत जोरात कळ आली म्हणून आईवडिलांनी अवनीला सोबत घेतलं आणि दवाखाना गाठला. डॉक्टरांना दाखवण्यात आलं. डॉक्टरांनी काही टेस्ट केल्या. या टेस्टमध्ये अवनीची कोलेस्ट्रॉल लेव्ह अत्यंत हाय दाखवली. वयाच्या 65व्या वर्षी एखाद्या व्यक्तीची कोलेस्ट्रॉल लेव्ह जी असते, तशी अवनीची होती. तिचं हृदय वयोवृद्ध माणसाइतकं कमकुवत झालं होतं. डॉक्टरदेखील ही बाब पाहून चक्रावून गेले होते. यानंतर वेगवेगळ्या वैद्यकीय चाचण्यांमधून निदान होतं गेलं. आणि अखेर अवनीला नेमकं काय झालंय, ही बाब समोर आली.
डॉक्टरांनी दिलेल्या माहितीनुसार, अवनीला हायपकोलेस्ट्रोलमिआ आहे. यामुळे अवनीची कोलेस्ट्रोल पातळी वाढते आणि त्यामुळे तिला हार्टअटॅकचा मोठा धोका संभवतो. छातीमधील दुखण्याचं नेमकं कारणंही हेच होतं, असही डॉक्टरांच्या तपासातून समोर आलं. जिथे नॉर्मल कोलेस्ट्रॉल लेव्ह 150 ते 200 mg/dl इतकं असायला हवं, तेच अवनीच्या बाबती 600 पेक्षा जास्त होतं. डॉक्टर कृष्णनाईक यांनी म्हटलंय की, मी माझ्या 30 वर्षांच्या करीअर पहिल्यांच अशी केस हाताळतोय. अवनीला झालेला हा आजार जेनेटीक असण्याची जास्त शक्यता असल्याचंही ते म्हणालेत.
लहान मुलांमध्ये एका वृद्ध व्यक्तीसारखं हृदय आढळून आल्याचं मी याआधी कधीच पाहिलं नव्हतं. अखेर निदान झाल्यानंतर मुंबईत अवनीवर बायपास सर्जरी करण्याचा निर्णय घेण्यात आला. माझ्या पाहण्यात आलेली आणि बायपास सर्जरी करण्यात झालेली ती आतापर्यंतची सर्वात लहान पेशंट आहे, असं डॉ. बिपीनचंद्र भामरे यांनी म्हटलंय. वेळीच तिच्यावरील आजाराचं निदान झाल्यामुळे अवनीवर बायपास सर्जरी करता आली. अन्यथा धोका अधिक वाढत गेला असता, अशी भीतीदेखील डॉक्टरांनी व्यक्त केली आहे.
अवनीवर बायपास सर्जरी झाली. सर्जरी यशस्वी झाली. आता अवनीच्या प्रकृतीत सुधारणा होतेय. ती पुन्हा नेहमीसारखं हसू, खेळू आणि बागडू शकतेय. पण आता तिला आयुष्यभर औषधांचा आधार घ्यावा लागणार आहे. कोलेस्ट्रॉल कंट्रोलमध्ये ठेवावं लागणार आहे. ही घटना समोर आल्यानंतर डॉक्टरांनीही छातीमधील दुखण्याकडे दुर्लक्ष करणं जीवघेणं ठरु शकतं, असं म्हटलंय. अन्यथा हार्टअटॅक येऊन मृत्यू होण्याचा धोका असतो, असं जाणकार सांगतात. त्यामुळे वेळीच वैद्यकीय तज्ज्ञांची मदत घेणं नितांत गरजे आहे.
9 Year Old Girl Heart Attack bypass surgery
Health Tips
