अजय सोनवणे, इंडिया दर्पण वृत्तसेवा
भारताचा स्वातंत्र्य अमृत महोत्सवानिमित्ताने नाशिक ग्रामीण पोलिसांच्या वतीने हर घर तिरंगा या देशाच्या वतीने राबविण्यात येणाऱ्या महोत्सवा निमित्ताने नाशिक जिल्हा पोलीस प्रमुख सचिन पाटील यांच्या मार्गदर्शनाखाली ७५ किलोमीटर तिरंगा ध्वज घेऊन ७५ पोलीस यांनी पदयात्रेने संचालन केले. या सर्वांचे येवला येथील सेनापती तात्या टोपे भूमीत त्यांचे आगमन होऊन सर्वच पोलीस बांधवांनी सेनापती तात्या टोपे यांना मानवंदना दिली. त्यानंतर भारतरत्न डॉक्टर बाबासाहेब आंबेडकर यांच्या मुक्त भूमी येथे जाऊन त्यांना मानवंदना देऊन रॅलीचा समारोप करण्यात आला. याप्रसंगी नाशिक जिल्हा ग्रामीण पोलीस प्रमुख सचिन पाटील मालेगावचे पोलीस अधीक्षक चंद्रकांत खांडवी पोलीस उपाधीक्षक समीर सिंग साळवे, येवला शहर पोलीस निरीक्षक भगवान मथुरे व त्यांच्या बरोबर पोलीस बांधव मोठ्या संख्येने उपस्थित राहून त्यांनी संपूर्ण शहरात रॅली काढण्यात आली.
