नवी दिल्ली – भारतीय रेल्वेने राजधानी एक्स्प्रेसच्या डब्यांचे नवीन आधुनिक तेजस गाड्यांमध्ये रूपांतर करून अधिक आरामदायी सोयीसुविधांसह रेल्वे प्रवासाचे नवे युग सुरू केले आहे. लांब पल्ल्याच्या प्रवासासाठी या आधुनिक तेजस स्लीपर प्रकारातील गाड्या हा प्रवासाचा अनुभव द्विगुणित करण्यासाठी एक आमूलाग्र बदल आहे. सध्या, भारतीय रेल्वे तेजस स्लीपर कोचेससह चार राजधानी गाड्या चालवत आहे.
या चार नव्या गाड्यांमध्ये मुंबई-दिल्ली राजधानी एक्सप्रेस, मुंबई-निजामुद्दीन ऑगस्ट क्रांती राजधानी एक्सप्रेस, राजेंद्र नगर-नवी दिल्ली राजधानी एक्सप्रेस, आगरतळा आनंद विहार राजधानी एक्सप्रेस यांचा समावेश आहे. मुंबईहून निघणाऱ्या दोन्ही गाड्या या पश्चिम रेल्वेवरुन धावणाऱ्या आहेत. भारतीय रेल्वेच्या एलएचबी प्लॅटफॉर्मवर स्लीपर कोचसह अत्याधुनिक तेजस गाड्या सुरू करण्यात आल्या आहेत. तेजस डब्यांसह सुधारित पहिली राजधानी गाडी दिल्ली-मुंबई मार्गावर पश्चिम रेल्वेने जुलै 2021 मध्ये चालवली होती.
या अत्याधुनिक गाड्यांमध्ये पुढील प्रमुख ठळक वैशिष्ट्ये आहेत:
स्वयंचलित प्रवेश दरवाजे
PA/PIS (प्रवासी घोषणा/प्रवासी माहिती प्रणाली)
आग आणि धूर शोध आणि शमन प्रणाली
सीसीटीव्ही कॅमेरे
सुधारित शौचालय- जैव-शौचालयांसह व्हॅक्यूम असिस्टेड फ्लशिंग, उच्च दर्जाची टॉयलेट फिटिंग, टच फ्री सोप डिस्पेंसर, बसण्यासाठी विशेष कक्ष
एलईडी दिवे
सुरेख रंगसंगती
