कोलकाता – पाकिस्तान पुरस्कृत दहशतवादी भारताच्या सरहद्दीतून घुसखोरी करणे नवीन बाब राहिली नाहीय. पण आता पूर्वेकडील बांगलादेशातूनही भारतात दहशतवादी घुसखोरी करत असल्याची घटना उघड झाली आहे. त्यामुळे भारतीय सुरक्षा यंत्रणा सतर्क झाल्या आहेत.
जमात-उल-मुजाहिद्दीन बांगलादेश (जेएमबी) या दहशतवादी संघटनेच्या किमान १५ दहशतवाद्यांनी या वर्षीच्या सुरुवातीला पश्चिम बंगालमधून भारतात घुसखोरी केली आहे. त्यापैकी १० दहशतवादी जम्मू-काश्मीरसह भारताच्या विविध भागात गेले आहेत, अशी माहिती कोलकाता पोलिसांच्या विशेष कार्य दलाच्या (एसटीएफ) एका अधिकार्यांनी सोमवारी (१२ जुलै) दिली.
एसटीएफ अधिकार्यांच्या माहितीनुसार, १५ पैकी पाच दहशतवादी पश्चिम बंगालमध्ये एकाच ठिकाणी थांबले होते. पैकी मूळच्या बांगलादेशच्या तीन दहशतवाद्यांना रविवारी (११ जुलै) दक्षिण कोलकाता येथील हरिदेवपूर येथून अटक करण्यात आली आहे. जेएमबीचे दहा संशयित दहशतवादी ओडिशा, बिहार, जम्मू-काश्मीरच्या विविध भागात गेल्याची माहिती अटक केलेल्या तिन्ही दहशतवाद्यांच्या चौकशीत मिळाली. बंगालमध्ये असलेल्या शेख सकील आणि सलीम मुंशी यांचा शोध एटीएसकडून घेतला जात आहे. नजीउर रेहमान, रबीउल इस्लाम आणि साबिर अशी अटक केलेल्या दहशतवाद्यांची नावे आहेत. सर्व संशयित फळे आणि मच्छरदाणी विक्रीचे काम करत होते.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
