मुंबई (इंडिया दर्पण वृत्तसेवा) – राज्य सरकारने १५ ऑगस्टला ध्वजारोहणासाठी यादी जाहीर केली आहे. पालकमंत्रीपदाचा वाद टाळण्यासाठी ही यादी जाहीर करण्यात आली आहे. या यादीत ज्या जिल्ह्यांची नावे नाहीत तेथे जिल्हाधिकाऱ्यांच्या हस्ते ध्वजारोहण करण्यात येणार आहे. राष्ट्रवादीचा गट सरकारमध्ये सामील झाल्यानंतर या गटाला मंत्रिपद मिळाले. पण, त्यांच्यावर अद्याप पालकमंत्रीपदाची जबाबदारी देण्यात आली आहे. त्यामुळे शिंदे सरकारने ही यादी जाहीर केली आहे.
विशेष म्हणजे नाशिकचे पालकमंत्री दादा भुसे असतांना ते धुळे येथे ध्वजारोहण करणार आहे. तर नाशिकला गिरीश महाजन व अमरावतीला छगन भुजबळ हे ध्वजारोहण करणार आहे. गेल्या अनेक दिवसांपासून पालकमंत्रीपदाचे वाटप झालेले नाही. मात्र, १५ ऑगस्टच्या पार्श्वभूमीवर कोणत्या जिल्ह्यात कोणते मंत्री ध्वजारोहण करणार ? याबाबत आता सरकारकडून माहिती देण्यात आली आहे. त्यामुळे कोणत्या जिल्ह्यात कोण ध्वजारोहण करणार याबाबत स्पष्टता आली आहे. २८ जिल्ह्यांमध्ये मंत्री ध्वजारोहण करणार आहेत, तर ७ जिल्ह्यांमध्ये जिल्हाधिकारी ध्वजारोहण करतील. या यादीत भुसे नाशिक व महाजन धुळे असा बदल होवू शकतो.
१५ ऑगस्टला या जिल्ह्यात हे मंत्री ध्वजारोहण करणार ?
देवेंद्र फडणवीस – नागपूर
अजित पवार – कोल्हापूर
छगन भुजबळ – अमरावती
सुधीर मुनगंटीवार – चंद्रपूर
चंद्रकांत पाटील – पुणे
दिलीप वळसे पाटील – वाशिम
राधाकृष्ण विखे पाटील – अहमदनगर
गिरीश महाजन – नाशिक
दादा भुसे – धुळे
गुलाबराव पाटील – जळगाव
रविंद्र चव्हाण – ठाणे
हसन मुश्रीफ – सोलापूर
दीपक केसरकर – सिंधुदुर्ग
उदय सामंत – रत्नागिरी
अतुल सावे – परभणी
संदीपान भुमरे – औरंगाबाद
सुरेश खाडे – सांगली
विजयकुमार गावित – नंदुरबार
तानाजी सावंत – उस्मानाबाद
शंभूराज देसाई – सातारा
अब्दुल सत्तार – जालना
संजय राठोड – यवतमाळ
धनंजय मुंडे – बीड
धर्मराव आत्राम – गडचिरोली
मंगलप्रभात लोढा – मुंबई उपनगर
संजय बनसोडे – लातूर
अनिल पाटील – बुलढाणा
आदिती तटकरे – पालघर
