सप्तशृंगीगड – सप्तशृंगीगडावर चौथ्या दिवशी ३० हजार भाविकांची दर्शनाला गर्दी होती. यावेळी १० हजार भाविकांची महाप्रसादाचा लाभ घेतला. हिंदू धर्मात नवरात्रीला खूप महत्त्व आहे. नवरात्रीमध्ये देवीचे नऊ रूपांची पूजा केली जाते. चौथ्या दिवशी कुष्मांडा देवीची पूजा केली जाते. आई कुष्मांडा देवीने विश्वाची निर्मिती केली असे मानले जाते. कुष्मांडा हा संस्कृत शब्द आहे ज्याचा अर्थ कुम्हादाचा त्याग करणे असा होतो. कुष्मांडाची पूजा केल्याने सर्व प्रकारच्या संकटांपासून मुक्ती मिळते असे मानले जाते. यासोबतच सुख-समृद्धीही असते.
आद्य स्वयंभू शक्तीपीठ श्री क्षेत्र सप्तशृंगगड येथे नवरात्रोत्सवाच्या चौथ्या दिवशी हजारो भाविकांनी भक्तिमय वातावरणात देवीचे दर्शन घेतले. यावेळी श्री सप्तशृंग देवीची महापूजा विभागीय आयुक्त नाशिकचे राधाकृष्ण गमे व श्री सप्तशृंग निवासिनी देवी ट्रस्टचे विश्वस्त डॉ.श्री.प्रशांत देवरे यांनी सपत्नीक महापूजा केली. सकाळी सप्तशृंगी देवीला नवीन सुवर्णालं कारांनी सजविण्यात आले. गडावरील पुरोहितांच्या मंत्रघोषात सकाळी ७ वाजता देवीची महापूजा करण्यात आली. यावेळी देवीचे रूप अधिकच खुलून दिसत होतं प्रसंगी आ. अमोल मिटकरी सदस्य, सदस्य, विधानपरिषद, महाराष्ट्र राज्य, आ. निरंजन डावखरे सदस्य, विधानपरिषद, महाराष्ट्र राज्य यांनी श्री भगवतीचे दर्शन घेतले. महाराष्ट्रासह विविध राज्यातील आलेल्या भाविकांच्या उपस्थितीत मंदिर गजबजून गेले होते. यावेळी संपूर्ण गडावर भाविक ‘सप्तशृंगी माता की जय, बोल अंबे माते की जय’चा मोठ्या आवाजात जयघोष करत होते. श्री सप्तशृंग निवासिनी देवी ट्रस्टच्या प्रसादालयात सुमारे १० हजार भाविकांनी महाप्रसादाचा लाभ घेतला. भाविकांना सुरक्षित दर्शन घेण्यासाठी ट्रस्टच्या मार्फत व्यवस्था करण्यात आली आहे. याकामी ट्रस्टचे कर्मचारी, ग्रामपंचायत सदस्य व कर्मचारी मेहनत घेत आहे. यावेळी विश्वस्त संस्थेचे मुख्य व्यवस्थापक सुदर्शन दहातोंडे, कार्यकारी अधिकारी भगवान नेरकर, कार्यकारी अधीक्षक प्रकाश जोशी, इस्टेट कस्टोडियन प्रकाश पगार, जनसंपर्क अधिकारी भिकन वाबळे, भक्तनिवास सहा विभाग प्रमुख शाम पवार, प्रसादालाय पर्यवेक्षक प्रशांत निकम, उपकार्यालाय प्रमुख गोविंद निकम, धर्मार्थ रुग्णालय प्रमुख डॉ. धनश्री धोडकी, विद्युत विभाग प्रमुख जगतराव मुंदलकर, सुरक्षा विभाग प्रमुख यशवंत देशमुख व वाहन विभाग प्रमुख संतोष चव्हाण यांसह सर्व ट्रस्ट कर्मचारी यांसह जिल्हा पोलीस व महसूल प्रशासन विभाग आदी विशेष परिश्रम घेत आहेत.
