२०२१ मध्ये शनीचा वृषभ राशीवर असा असेल प्रभाव (भाग ३)

शनीचे नक्षत्र बदलाचा अन्य राशींप्रमाणे वृषभ राशीवर सुद्धा शुभाशुभ परिणाम जाणवणार आहे. चंद्राच्या श्रवण नक्षत्रात प्रवेश करणारा शनी हा वृषभ राशीच्या भाग्येश म्हणजेच नवम ठिकाणी मार्च २०२३ पर्यंत असणार आहे. त्यामुळे तो वृषभ राशी त्यांना काही कडू, काही गोड अनुभव देणार आहे. या कालावधीमध्ये वृषभ राशी असलेल्यांना थोडी अधिक मेहनत करण्याची गरज पडणार आहे. सहज साध्य असे काही नसणार. दिवाणी प्रकरणे यशस्वी होण्यासाठी अधिक प्रयत्न करावे लागणार. मोठ्या योजना हाती घेण्यासाठी त्या योजनांचा सखोल विचार, अनुभवी लोकांना सोबत घेऊन करावे लागणार. परदेशगमन योगासाठी देखील आपल्या परफॉर्मन्समध्ये अधिक मेहनत करावी लागणार आहे. विद्यार्थ्यांना थोडा अधिक अभ्यास करावा लागेल. कलाक्षेत्रातील लोकांना सादरीकरणासाठी आपल्या अधिकाधिक सामाजिक संपर्काचा वापर करावा लागणार आहे. तब्येतीला चढ-उतार कडे दुर्लक्ष नको.

अनेक दिवस रेंगाळलेले मोठे निर्णय आपल्या लाभात येण्याची शक्यता आहे. अनपेक्षित शुभ घटना घडतील. अडकलेली शुभ कार्ये मार्गी लागतील. वास्तुविषयक निर्णय लाभात होतील. जुन्या दुखण्या मध्ये आराम पडेल.  अपेक्षित मदत कार्य मिळेल. आपल्या वरिष्ठ तसेच ज्येष्ठांना आपले महत्त्व पटेल. जुनी येणी येतील.